由梁詠琪（GiGi）、陳湛文、朱栢康、梁雍婷（Rachel）、陳輝虹、凌文龍主演的勵志喜感電影《逆轉上半場》，日前舉行煞科宴，一齊團圓慶祝中秋。
愛心滿滿的梁詠琪與梁雍婷，為出席煞科宴的小演員準備傳統燈籠慶中秋，GiGi說：「我哋拍完部戲，好開心可以再見番面，除咗煞科宴我哋可以預祝埋中秋節，可以食月餅。中秋節除咗趁機會食各式各樣月餅，仲會買竹紮燈籠畀個女玩，因為佢哋玩電燈籠多，見到傳統款式，我通常忍唔住會即刻買。我哋有時會掛到整個露台都係燈籠，其實只係玩一晚，但都係好認真，好有儀式感去玩呢一晚中秋節。」
電影《逆轉上半場》一眾演員齊齊團圓慶祝中秋。
GiGi表示好開心可以再見番大家，除了煞科宴又可以預祝埋中秋節，可以食月餅。
梁雍婷表示有些家人今年回來香港，好期待再一大班人坐滿一圍食飯。
陳獻略表示為慶祝今次拍攝，要與朱栢康不醉無歸。
朱栢康、凌文龍、陳獻略
朱栢康
凌文龍
梁雍婷說：「我細個時會同屋企人一齊整燈籠，之前疫情都冇機會同屋企咁多人一齊食飯，有啲家人今年返咗嚟香港，所以期待再一大班人坐滿一圍食飯，真係好耐冇試過。」GiGi問Rachel有否覺得相隔半個月，再見到戲中的小演員感覺他們又長大了，Rachel笑言：「我覺得佢哋皮膚白得好快，新陳代謝係勁，因為我哋每個演員拍完球場戲都曬黑咗，但係佢哋皮膚好快回復變白，但係我嘅膚色仲未回復番正常。」GiGi笑言：「其實我都加緊油，搽多啲美白希望快啲白番。」
此外，有份演出的陳獻略表示，為慶祝今次拍攝，要與朱栢康不醉無歸，他更笑言其實經常與朱栢康摸酒杯底，朱栢康笑言：「由於一眾小演員攜同父母到場，所以佢哋今晚冇得飲酒，哈哈！」二人異口同聲表示，最高興是可以一齊食飯、嘗月餅，迎接中秋節，期望新戲開拍續集。
>>>訂閱CCUE YouTube 頻道，查看更多吃喝玩樂、生活資訊影片。
追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca
追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca
