中秋佳節，大忙人薛家燕忍痛「飛」起男友A君，留港享受三代同堂家庭樂，雖然唔可以摸到男友，但睇住男友送上關心口訊，一句「唔好令我擔心」已經忍唔住甜笑。另外，74歲家燕姐雖然人生閱歷豐富，但對揀好男人都有啲保留，坦言真係要靠長時間觀察，更堅持做女人要矜貴啲。問到有否遇過「軟飯王」埋身攞著數，家燕姐笑得好大聲，坦言，「我識得借意避開㗎啦。」咦，冇否認喎。採訪：方騫平

有愛情滋潤的家燕姐容光煥發。

發光家燕姐。

家燕面帶笑容。

家燕姐連嘴角都帶有微笑。

開心ing。

家燕姐開心Share A君甜到漏短訊。

薛家燕、冼靖峰、關楓馨、阮浩棕主持TVB煮食節目《家常便飯爭霸戰》，家燕姐讚參賽者個個都係廚神，連食物擺盤都好講究，自愧不如。問到撚手小菜？家燕姐最擅長蒸魚，仲話蒸到魚肉好滑唔容易㗎。咪睇家燕姐一把年紀，10幾年前跟A君拍拖時都有玩煮飯仔：「咪蒸條魚煲啖湯佢飲囉，近年佢明白我忙到連飯都冇時間食，仲叫我唔好煮得咁辛苦，出去食算數喇。」

家燕姐被年輕參賽者的廚藝嚇親。

薛家燕、冼靖峰、關楓馨、阮浩棕主持TVB煮食節目《家常便飯爭霸戰》。

家燕姐和三姐、冼靖峰、關楓馨互動。

麥潔文和細囡陳薔天（天天)母女檔上陣。

吳大強及吳偉豪父子檔現身。

其中一集有李思捷。

林迪安及《聲夢傳奇》學員囡囡林沚羿（Venus）係其中一集嘉賓。

薛家燕大讚冼靖峰、關楓馨。

拒絕男友兩次求婚

家燕姐自爆細她10多年的男友，人到中年好恨結婚：「佢曾提出兩次我都Say NO！(係咪失婚經歷對男人失去信任？)咁又唔係嘅，睇下佢點對你，好似A君咁10幾年喎，佢都好關心我。」語畢，家燕姐忍唔住打開手機，好似初戀咁開心Share男友甜蜜短訊：「呢啲係噚日半夜傳畀我嘅，佢話『你好忙喎，返到香港馬上工作咁辛苦，你要保重身體，唔好令我擔心，親愛的！』雖然我哋各有各忙，對上一次見面係4個月前只見4日，但都會保持情深對話。」家燕姐補充，兩人相處最緊要開心：「我都年紀大啦，74歲仲結嚟做乜？」對於「軟飯王」鄭梓浩一腳踏3船事件，家燕姐認為男女感情好難講，始終大家性格唔同，不能保證相愛到永久，但強調做人唔可以冇交帶，及唔負責任去hurt到另一半，她感同身受：「就算唔能夠一齊生活都要講得清清楚楚，唔能夠拖泥帶水；而且講金唔講心更加可疑。」

今年中秋節家燕姐三代同堂慶祝。

一家人圍埋食飯。

飯後陪孫仔玩燈籠。

男友視角下的家燕姐。

薛家燕隔空傳情，家燕姐拍片回應男友。

家燕姐曾為男友下廚。

蒸花蟹都好有板有眼。

家燕姐有10幾年沒有下廚。

1984年薛家燕跟經營飲食業的石保慶結婚。

「軟飯王」鄭梓浩偷食孫耀威人妻妹妹孫美賢轟動全城。

Brian食住都係被分手女友Grace支付。

「佛山小三」貼錢送車，圖為「小三」和鄭梓浩大仔。

避開立心不良男人
家燕姐做咗大半世人，語重心長教大家如何揀個好男人：「以前個老公(石保慶)為人敦厚都好錫我，估唔到佢都會變心，唯有畀多啲時間觀察，睇下佢對你夠唔夠體貼及關心，好似我咁有大把時間，檢視咗A君10幾年，確定佢係靠得住，加上佢大把錢唔需要用我啲錢，坦白講，如果要我補貼佢生活，都唔同級數唔啱我啦…哈…咁又點會追我啫，最後佢又強調要揀好男人都要睇運氣。」另外，家燕姐堅持做女人要矜貴啲：「要男人重視自己多啲，咁就會舒服啲。」家燕姐未遇過「進擊小三」，問到可有「軟飯王」企圖埋身攞著數？她大笑說：「昔日拍檔陳鴻話佢係我嘅小鮮肉只係搞笑，佢仲搞鬼地講低酒店房號碼，我就大笑回應話『呢啲我永遠唔會記得』，不過，如果面對一啲真係立心不良嘅人，我識得借意避開，冇必要畀機會佢。」家燕姐指自己太忙，稍後要到大馬開演唱會、灌錄賀年歌及到加拿大拍英文劇集，冇必要惹自己煩惱。

60歲陳鴻曾笑言是家燕姐的「小鮮肉」。

家燕姐稍後到大馬開騷。

去到邊都帶埋孫仔同行。

去年，家燕姐與大馬國寶級歌手茜拉首度合唱的賀年歌大受歡迎。

兩人今年再合作賀年歌。