ViuTV原創劇《日落下的彩虹》逢星期一至五晚上9時30分播出。劇集以七個發生在彩虹之下、細膩動人的小故事，編寫各種情感與遺憾，建構香港人的屋邨情懷。當中由不同人物串連不同故事，阡陌交錯，並穿插彩虹邨進入倒數的命運，引發現實共鳴。

許軼、葛綽瑤、何洛瑤三人首次合作演閨密。
許軼、葛綽瑤、何洛瑤三人首次合作演閨密。

 

3女因有不少磨擦而經常吵架。
3女因有不少磨擦而經常吵架。

 

劇中，Sunnie（何洛瑤 飾）和Moon（葛綽瑤 飾）儘管有爭執，但仍十分關心好朋友Windy（許軼 飾）。
劇中，Sunnie（何洛瑤 飾）和Moon（葛綽瑤 飾）儘管有爭執，但仍十分關心好朋友Windy（許軼 飾）。

 

許軼 葛綽瑤 何洛瑤好耐冇合作但有默契

昨晚播出的一集，講述Windy（許軼 飾）、Moon（葛綽瑤 飾）和Sunnie（何洛瑤 飾）的閨密故事。三人首次合作拍劇，許軼（Day）覺得很有新鮮感：「除咗《全民造星》之外應該就係今次，大家都係做返好姊妹，導演會話『好似你哋食飯咁樣相處就得㗎喇』。覺得幾得意，都係閒話家常。」葛綽瑤（Yoyo）笑言與她們合作感到有趣：「有時同啲經常見面嘅人拍戲係幾搞笑，個狀態好難拿捏。本身我哋係好滑稽，但一齊拍劇就要好認真。好耐冇合作但又會有一定嘅默契，起碼一齊會有個化學作用。都幾搞笑，又唔會好尷尬」。

許軼 何洛瑤 葛綽瑤一致認同吵架令友情升溫

劇中三人因有不少磨擦而經常吵架，何洛瑤（Sica）建議一定要吵架：「無論係同朋友、屋企人定另一半相處都一定要嘈交。衝突係嚟自大家生活習慣嘅唔同，只要溝通到，喺過程中了解大家更多，感情係會升溫。因為我同朋友都係成日鬧交，但我哋係越鬧越 friend」。Day表示有同感：「其實講多啲心底話出嚟，大家會互相了解多咗。」Yoyo亦同意指過程中先知道大家的底線，真正的友情是不會輕易受到影響。

>>>訂閱CCUE YouTube 頻道，查看更多吃喝玩樂、生活資訊影片。

追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca