崔加寶、鍾淑慧逢周三晚9時在網台節目《BoBo Kingdom「閨密篇」》中暢談人生。談到藝人近期翻開「當年事件簿」，鍾淑慧親述年輕時參加過富豪飯局細節，又爆曾嬲過王綺琴罵她「廢柴」；崔加寶自揭曾因產後抑鬱症與老公周文曦車上吵架，她激動到用腳撐爆擋風玻璃，才驚覺已失控。 採訪：方騫平 攝影：朱偉彥 場地：HENRY Pub

崔加寶、鍾淑慧、王綺琴識於微時，有過不少經歷，不過，由於王綺琴休息中，暫時只有崔嘉寶、鍾淑慧主持網台節目《BoBo Kingdom「閨密篇」》，兩人不時真情流露，但約法三章，即使互踩亦不准嬲，展現難得閨密情。

鍾淑慧、崔加寶、王綺琴相識微時。

鍾淑慧、崔加寶、王綺琴無所不談。

3人不時真情流露，但約法三章，即使互踩亦不准嬲。

崔加寶曾產後抑鬱失控。

鍾淑慧曾被王綺琴話「廢柴」。

王綺琴心直口快。

王綺琴強調現在最重要是身體，不再執着。

鍾淑慧、崔加寶、王綺琴係好姊妹。

鍾淑慧、崔加寶、王綺琴有太多經歷。

崔加寶過住闊太生活。

57歲鍾淑慧保持童心。

崔加寶曾產後抑鬱失控

3人小聚時無所不談，崔加寶坦言曾飽受產後抑鬱困擾，不時無故哭泣，到了更年期情緒一次過爆煲，完全失控：「印象最深刻有次同老公周文曦喺車上吵架，當時我坐副駕席，一時衝動用腳撐爆咗擋風玻璃，當場嚇呆，驚覺『係咪玩大咗？』亦開始正視問題，搵咗個中醫調理情緒病。」時至今日情緒已穩定：「當然身體機能會隨年紀下降，但要接受自己，唔好同以前對比。」

崔加寶、鍾淑慧逢周三晚主持網台節目《BoBo Kingdom「閨密篇」》。

當年索爆鍾淑慧是唯一代表香港參加《環球小姐》競選，又非港姐出身的佳麗。

崔加寶22年前靚相。

崔加寶1986年參加港姐。

鍾淑慧加入TVB後發展不錯。

鍾淑慧在《環球小姐》競選的泳裝環節排在第21名。

鍾淑慧參加1987年環球小姐選拔賽入行。

鍾淑慧當年身材不算太突出。

鍾淑慧和老公吳岱融曾合作拍過三級片。

鍾淑慧和吳岱融兒子吳政樺已經接近30歲。

崔加寶曾係無綫姐仔。

崔加寶一家人相處好融洽。

王綺琴初入行被欽點跟小生梁朝偉及歐瑞偉拍《大運河》。

鍾淑慧被王綺琴話「廢柴」

鍾淑慧回憶當年搏殺期做到隻「狗」咁，有次難得與兩人去旅行，只想昏睡叉電，但去到享受人生階段的王綺琴和崔加寶，卻朝朝叫她一齊做瑜伽，王綺琴見她顧住瞓竟當眾叫她做「廢柴」，多年後鍾淑慧仍牢記在心：「我真係嬲到𠵱家，呢句好hurt我！」面前的王綺琴卻斷片，反問：「我有講過咩？」只好尷尬地安撫：「我講啲廢話你唔使理我㗎。」崔加寶一語道破：「崩口人忌崩口碗。」鍾淑慧又再翻出「小器簿」，表示曾送大馬餅食給王綺琴做手信，對方竟臭寸話：「我都唔食呢啲嘢嘅！」，多年後她鬧爆對方「衰到冇人有！」王綺琴用笑掩飾，自認性格率直，大家咁熟不用隱瞞。不過，鬧還鬧，閨密情不變，鍾淑慧經歷的重要時刻都有王綺琴，王綺琴憶述道：「當年佢一個人，半夜三更坐車穿州過省去登台，試過坐嘅的士喺荒山野嶺壞車，佢驚到靠長途電話搵我壯膽。」王綺琴更爆鍾淑慧是全港講粗口講得最溫柔最好聽的女人。

鍾淑慧自爆飯局只懂陪笑

鍾淑慧再爆多啲，承認年輕時曾傻更更應邀出席富豪飯局，她還爆出當中細節：「大家諗多咗，其實只係一班有錢嘅生意人，好casual咁約啲藝人食餐貴飯，在場唔止有女藝人，男藝人都有。」以她所見，沒有明碼實價的事：「邊有咁猥瑣呀，都係食餐飯，咁我食完咪走囉，冇任何下文。」不過，她補充：「可能當時我太年輕，佢哋講乜我根本搭唔到嘴，只係禮貌陪笑，就連飲酒都冇，又冇着低胸衫，哈！我哋生不逢時，40年前應該冇（被包）呢啲嘢，真羞家！」崔加寶也加把口，指以前TVB不准女藝人暴露，即使她穿V領衫都被召返公司「傾偈」。至於曾大膽拍三級片，鍾淑慧直言那是當年潮流，為工作絕不後悔。

王綺琴曾有腦動脈瘤複診

鍾淑慧又澄清自己並無過億身家：「邊有過億？𠵱家過咗搏殺期，老公吳岱融有工作，個仔大咗經已出身，我只係變咗『廢人』。」她認為女人更年期也可以重啟事業，最重要開心身體健康。王綺琴曾有腦動脈瘤，術後每隔5年照腦一次，她強調現在最重要是身體，不再執着。