今日蘇雅琳（Ivy So）出席傢俬用品店活動時大爆閨房秘密。蘇雅琳笑言，可能是因為早前訪問中透露過閨房有多亂，才邀請她出席活動。訪問中，蘇雅琳自評房間，以1至10分計，混亂程度有7.5分，更大爆平時習慣將着過的衣物放在椅子上不整理。又表示會在自己間房食零食。

蘇雅琳常偷弟弟衫着

不過，她也辯解道，很多時衣物只是穿了一至兩小時，才放在椅子上。問她有沒有受到媽媽責備？她回答：「佢已經講咗咁多年，呢幾年冇講，我覺得佢慣咗，而唔係我整齊咗，不過我都有改善，又可能係少咗時間喺屋企。」她又透露，自己經常會在弟弟房間「打躉」，說：「佢間房有3分，我會成日坐喺床同佢打機，感覺明亮啲，佢有位坐，我又有位坐。我間房張凳坐唔到人。」她也透露，自己會「偷」弟弟的衣物着，貪可以當做oversize穿搭。

今日蘇雅琳（Ivy So）出席傢俬用品店活動。

Ivy So大派心心。

Ivy So大爆閨房秘密。

蘇雅琳自評房間勁亂。

以1至10分計，混亂程度有7.5分。

好多粉絲到場支持。

蘇雅琳經常坐在胞弟床上打機。

蘇雅琳理想男友要整齊但冇潔癖。

fans帶齊長短鏡影靚相。

Ivy So成為年青人偶像。

Ivy So自爆着過嘅衫放椅唔郁。

真係唔多整齊。

蘇雅琳表示與盧瀚霆（Anson Lo）合作的《金秘書為何那樣》進入拍攝尾聲。

盧瀚霆常「萬歲」請飲食。

蘇雅琳理想男友要整齊但冇潔癖

談到「執屋」，她也表示希望將來男朋友是一個較整潔的人說：「我細佬嘅整潔程度係我理想型。即係唔好有潔癖，可以喺間房食嘢，但係要整整齊齊。唔好阻止我喺房間食嘢！（惹曱甴喎）唔會㗎，每一粒我都會塞入口度。」她提到，可以接受在房間內食糖、雪條、薯片等，但唯獨是不能接受湯麵類。

盧瀚霆常「萬歲」請飲食

另外，蘇雅琳表示與盧瀚霆（Anson Lo）合作的《金秘書為何那樣》進入拍攝尾聲：「希望大家會鍾意。（同李英俊拍劇開心？）開心！又請我飲嘢。」她表示，最常與Anson Lo在片場「傾嘢食」，Anson Lo又會請飲咖啡和「萬歲」。她說：「我推薦咗大家飲牛油果乳酪，加羽衣甘藍，超好飲！成隊crew都鍾意，得阿Lo一個唔鍾意。（聽個名就知好健康）都好飲嘅，希望大家試吓阿Lo唔鍾意飲嘅嘢。」她表示自己fans不會因她和Anson Lo拍劇而呷醋，而Anson Lo的fans也對她十分友善，說：「一開始都會驚，但係拍街景都有好多阿Lo fans探班，我覺得過程冇乜壓力。我走嘅時候，大家都會話：『多謝金秘書照顧李英俊！』我覺得都Sweet嘅。」所以相信神徒好接受偶像和Ivy So做熒幕情侶。