李爾晨昨日（28日）出席《香港影視界慶祝中華人民共和國77周年招待會》。他接受訪問時回應近日《女神配對計劃2》中，他幫郭珮文（Juliana）整理頭髮，輕掃耳仔一幕被瘋傳。他說自己都想不到迴響大：「我今日都睇到，我自己都估唔到。嗰個動作就係一個好自然發生嘅動作啦，純粹可能一個掃，就係咁一個動作。」他再三強調並非刻意：「都唔係嘅，都唔係，真係好純粹一個，即係見到頭髮咁飛起咗，咁就幫佢收返正。」

李爾晨稱只是好自然的動作

他坦言覺得只是一個普通動作，記者反駁「掃耳仔」動作敏感。他回答：「希望拉近大家距離。個動作可能過咗火，我自己都估唔到。」會不會怕對方反感？他說拍攝當下大家有階段好親密，現場鏡頭又多：「拍攝節目有好多個鏡頭都望住，我自己都覺得個氛圍就係咁樣，嗰個時候我真係冇諗太多。」被指情不自禁，他即接：「情不自禁？係囉，嗰下純粹覺得好自然。」

李爾晨近日在《女神配對計劃2》中，幫郭珮文（Juliana）整理頭髮，輕掃耳仔一幕被瘋傳。

李爾晨表示想不到迴響大。

他坦言：「嗰個動作就係一個好自然發生嘅動作啦，純粹可能一個掃！」

會否驚下一集再中招，甚至摸對手仔？他說會驚，但不會再做。

變成了「負評王」，他承認多少都有少少不開心。

李爾晨 再三強調並非刻意。

李爾晨變成「負評王」

會否驚下一集再中招，甚至摸對手仔？他說會驚，但不會再做：「會呀！唔會，都唔敢啦。而家唔會做住㗎啦。（出到去會唔會都咁？）拍攝底下大家可以安份咁分開，出到去就唔係咁。」變成了「負評王」，他承認多少都有少少不開心：「我覺得唔多唔少都真係有少少唔開心。但 anyway節目都仲進行緊，嚟緊會繼續有好多經歷同歷史出現。希望節目入面大家都會睇到一個改變緊嘅李爾晨。」直言想大家睇到一個新的李爾晨。

李爾晨稱黑歷史非屬實

戀綜節目講求獲得「女神」歡心，他也坦言睇完對方表現後，對自己勝算有保留。「原來喺海選上面佢講到咁，睇返先至覺得嘩。死啦，唔知有冇勝算啦。」有記者提到，今年賽制可以「轉女神」，他說：「今年係出人意表，反轉再反轉。」提到有網民指他玩交友app，他也澄清沒有。「冇，完全冇。」他也提到，自己第一次被這麼多人關注，坦言對於網上被攻擊感到「少少唔開心」，但也會檢討自己的表情管理和肢體動作。怕不怕被前女友爆黑歷史？他回答：「其實我真係冇太多黑歷史，而嗰啲黑歷史都唔係屬實。」