前TVB小花鄧佩儀（Gloria）於2013年參選國際中華小姐競選勇奪冠軍入行，一直備受TVB力捧，2021年在劇集《換命真相》首度擔正女主角，劇集播出後被批評演技平平、未夠班，甚至有指鄧佩儀拍攝期間因頻頻 NG 搞到同劇演員張頴康發火鬧人，還因堅持用個人化妝品而與工作人員產生摩擦、被嫌難相處， 結果突然向公司申請放假，回加拿大UBC（英屬哥倫比亞大學）進修。

在今晚（30日）播出的《藍朋友·旅朋友 溫哥華篇》上，王祖藍與太太李亞走訪盛產華姐冠軍的The University of British Columbia 校園、溫哥華華姐培訓基地，更相約華姐好友鄧佩儀及張嘉兒齊齊整蛋糕。今次是鄧佩儀相隔五年激罕亮相TVB，她在節目上親揭當年神隱真正原因，張嘉兒罕談當年當選冠軍後曾因輿論壓力陷自我懷疑：我係咪真係咁差？

鄧佩儀在2021年拍完劇集《換命真相》後突然「潛水」一年半，當時盛傳她因演技及態度問題等遭TVB雪藏，直至2023年，鄧佩儀終於現身社交平台並宣布在UBC修畢工商管理學士學位及電影製作課程，決定留加發展。今次鄧佩儀相隔五年再度亮相，狀態不減當年，談到當年決定離港，鄧佩儀坦言身邊很多人都很愕然：「點解我突然之間會走呢？我嗰時嘅經理人都有打畀我。我拍完《換命真相》後，監製聲哥（黃偉聲）隔幾個月後開劇都想搵我，嗰陣我諗咗好多個鐘，我問自己，十年後我想我嘅生活係點，我發現我係想喺加拿大建立一個Family，又或者喺屋企人身邊。」現於溫哥華任職Marketing 的鄧佩儀，坦言現時朝九晚五，放工又可以做運動兼見朋友，生活比之前開心很多：「而家好開心，原來人係可以開心咁多嘅。」

當年因為熱愛鍾嘉欣，年僅19歲便飛往香港參選兼拍劇發展演藝事業的鄧佩儀，當時不但適應不了拍劇日夜巔倒的生活，還適應不了拍劇熱鬧過後的孤獨感，並曾為此一再以淚洗面：「嗰時我自己一個生活，習慣完劇組好熱鬧，每次返到屋企自己一個就會好失落。有時可能凌晨四點返到去，間屋靜英英…長久就會有少少Lost，嗰時真係自己一個不斷咁喊喺屋企，唔係好健康。」至於張嘉兒，她笑言決定返港選港姐，全因被免費機票吸引，不過當選冠軍後，張嘉兒被冠上「豬扒港姐」兼受到抨擊，張嘉兒坦言曾因而一度自我懷疑：「嗰段時間都難過，開始Self Doubt，『咦？傳媒講嘢係咪真架呢？我係咪真係咁差呢？』」

鄧佩儀為《2013年度國際中華小姐競選》冠軍、亞軍陳楚寰（左）、季軍張名雅。

鄧佩儀當年參選時身形纖瘦。

鄧佩儀在《換命真相》首度任女主角，有指譚俊彥和張頴康曾不滿鄧佩儀。

2021年《換命真相》播出後，鄧佩儀突然向公司請假回加拿大讀書。

鄧佩儀前年9月宣布已完成學業。

鄧佩儀在UBC（英屬哥倫比亞大學）尚德商學院修讀工商管理學士學位，以及修讀有關電影製作的課程。

鄧佩儀於IG分享畢業照，學生模樣完全看不出她已經31歲。

鄧佩儀穿畢業袍晒長腿。

鄧佩儀本來備受TVB力捧，但宣布不會再在香港發展。

鄧佩儀早前翻唱《童話》時，戴上后冠並穿上deep V公主裙拍攝MV，製作認真。

鄧佩儀無懼素顏真面目示人。

鄧佩儀身形依然好索！ ​

鄧佩儀上加拿大雜誌封面。

鄧佩儀經常分享加拿大生活。

鄧佩儀在加拿大的生活好寫意。 ​

鄧佩儀又玩吓水上活動。

鄧佩儀曾被批時肥時瘦。

鄧佩儀以往甚少晒身材。

鄧佩儀認為加拿大更適合她。

鄧佩儀不但面部異常浮腫兼面色灰沉，下巴更看似凹陷成「W」字形，殘到爆！