宣萱今日出席品牌活動，現場人頭湧湧，相當熱鬧。宣萱透露有粉絲專程由新加坡到港，又笑言有些粉絲專程「請假」到場支持。不過，最令她開心的莫過於有粉絲帶班蘭蛋糕給她。活動後更見到宣萱在社交平台上貼出大啖食蛋糕的照片。

宣萱放假去泰國自駕遊半個月

宣萱工作完畢後終於放假到泰國自駕遊，放縱食半個月，重投工作才需要節制：「真係可以唔戴帽、唔戴口罩，可以好好享受。」

宣萱今日出席品牌活動。

大派心心。

現場有好多fans支持。

有粉絲專程由新加坡來港。

宣萱放假去泰國自駕遊半個月。

她預言會放縱食半個月。

有工作才節制飲食。

宣萱憶拍《騙中傳奇》相當難忘。

因為當時拍得太辛苦。

拍《騙中傳奇》時宣萱和張家輝都冇得瞓。

宣萱大讚張家輝扮女人都幾靚女。

她最難忘張家輝扮女人。

宣萱、苑瓊丹合作的TVB劇集《騙中傳奇》。

張家輝正式宣布將於明年2月6日（大年初一）到2月8日（大年初三）一連三日在紅館舉行《張家輝大娛樂騷》。

宣萱讚古天樂年輕人的榜樣。

宣萱憶《騙中傳奇》重播苦中作樂

提起早年劇作《騙中傳奇》重播，令她勾起不少回憶，尤提到當時拍得好辛苦，每日都只有2-3小時睡眠，連眼睛都撐不開流晒眼水。加上夏天，又着古裝，她的角色多文縐縐對白。最後頂不住4人齊齊向監製要求不要堆埋一齊拍，要將「4個的線」分開寫才能騰出更多休息時間。唯一苦中作樂是張家輝的惹笑表情：「佢諗嘢快又活潑，啲表情又衰，演得幾乞人憎，仲幾靚女𠻹。」

宣萱將貓紙黐張家輝背脊

她最印象深刻有一次實太攰記不到對白，逼於無奈將「貓紙」黐在張家輝背脊：「嗰個場口話佢要跪地畀我鬧，我就繞住佢一百八十度行嚟行去狂鬧佢。我一唔記得就望佢背脊，好似望住佢鬧咁樣。」

宣萱想睇張家輝紅館騷

提起張家輝攻紅館開賀年騷，宣萱表示想睇，雖然不會上台做嘉賓但也不介意到時上台玩，可惜那幾天她有工作在身，語畢也露出失望表情。

宣萱讚古天樂年輕人的榜樣

問到古天樂監製《憤怒鳥3》動畫電影，宣萱卻沒有留意。不過她大讚古天樂是年輕人的榜樣：「佢不嬲咁勁。我成日覺得佢應該要出書，佢本身就係一個鼓勵，好似我都冇諗過佢可以上台唱歌，佢鼓勵到好多年輕人。」訪問中，她提及家中的毛孩，坦言使費開支不輕：「我要努力賺錢，因為好貴。我成日同佢哋講，媽咪出去賺錢啦。」