劉思希及陸詩韻也收過Simon的借錢短訊。

無綫導演Eddie在社交網站爆料指TVBI前經理Simon，自2009年開始，12年來先後向他借錢共13萬，至今仍未還錢已報案，並呼籲其他受害人報警。

Eddie指Simon以疫情沒有工作，要照顧身體不好的媽媽等財困原因周圍借錢，台前幕後工作人員都有人中招，先後向林夏薇、唐詩詠、陳敏之、莊思明、黃祥興等借錢，其中林夏薇借了5000元給Simon被走數外，最新得知林盛斌（Bob）先後三次共借出數萬元；還有劉思希及陸詩韻也收過Simon的借錢短訊。

網上圖片

Bob透過短訊回覆：「之前喺TVB見到都會傾吓偈，佢冇做之後，都有短訊聯絡。第一次借錢係上年一月，隔咗冇耐就再問第二次，之後三月再問多一次，總數係幾萬蚊。佢都有講過點樣還錢嘅，但係就從來冇兌現過，既然已經有人報咗警，咁就希望佢會自動自覺，還返啲錢畀所有借過錢畀佢嘅人。」

網上圖片

劉思希透露近日收到Simon短訊要借1萬元，「其實我同Simon唔熟，以前在餐廳見過，佢問我攞咗電話號碼，之後都冇聯絡。前兩日收到佢問我借1萬元的短訊，佢話阿媽身體不好，又冇工開，最初都諗過借畀佢，不過他要求保密唔好話畀人聽，覺得好奇怪，為證實他是否有困難，我問了一位藝人朋友，對方知道Simon問過好多人借錢，所以叫我千祈唔好借，最後我都冇借到。」

劉思希因為問過其他藝人得知對方四出借錢，所以她沒中招。

陸詩韻表示去年9月對方問過她借1萬元，以前在無線雖曾合作但不熟，之後已沒有聯絡，都知道對方不在無綫一段時間，「佢透過短訊問我借錢，我冇回覆，有心問人借錢，都會親自打個電話，之後佢又冇打電話畀我，所以冇再理。」

陸詩韻

來源：巴士的報