容祖兒一連34場演唱會繼續舉行,在昨晚(13日)第19的talking位,容祖兒罕有開黃腔,事源容祖兒講到好多朋友戥佢感情着急,「佢哋成日話,我再唔搞就冇得生㗎喇!」觀眾大叫:「點搞先?搞咩先?我喺到呀!結婚啦!」引爆全場笑彈,容祖兒聞言忍笑答道:「唔係呀!即係『搞掂』佢呀,哈哈哈,呢度好色情呀!」
【相關閱讀】:容祖兒演唱會丨三度延期終病瘉開騷回復大勇狀態 病到「魂魄唔齊」媽咪貼心照顧
【點擊睇容祖兒演唱會相】:
隨後容祖兒自爆擇偶條件:「其實我要求好簡單,只係希望對方五官端正、身家清白、有頭髮,點解咁難搵?所以我覺得一定係我心態問題,於是我同自己講,唔好諗咁多啦,打開個胸圍……打開個胸懷先係,哈哈哈!」引發全場大笑。
最近好多歌迷都指容祖兒太瘦,叫她要多吃點東西,她說:「而家51公斤,係5年前做 《Pretty Crazy演唱會》個磅數,好Crazy!」容祖兒自爆冇特別節食,每日食足早午晚3餐同下午茶,完騷後回家仲有媽咪準備嘅消夜,現在最重要是身體健康。
星期五(18日)容祖兒會同步為她的善慈基金籌款,於18日至20日期間,在演藝學院舉辦《容祖兒善慈義賣會》,連同身邊的好朋友一起進行斷捨離,把用過一次半次,甚至沒用過的新衫、褲、鞋、手袋、飾物等,拿出來義賣籌款。所有收益將作容祖兒基金會日後慈善用途。
追蹤CCUE社交媒體,獲得更多吃喝玩樂生活資訊:
Instagram:https://www.instagram.com/ccue.ca/
Facebook:https://www.facebook.com/ccue.ca