雖然黃劍文(Kimman)於《中年好聲音2》中只奪「梗頸四」，但贏來唔少演出機會，他和葉巧琳及鄭俊弘（Fred）將於8月，上演以紀念「一代巨星」張國榮為題嘅音樂劇《為你鍾情》。Kimman強調唔會放棄繼續追夢，會考慮參加其他歌唱比賽，Fred竟搞笑建議挑戰《港男》，嚇(Kimman耍手擰頭話投降！ 採訪：方騫平 攝影：羅安強 化妝：Christy Lam(Fred）、Cyrus Lee（Mischa）、CarrieCammy-BHC(Kimman) 髮型：John Shum @ Hair（Fred）、Keith Lee，Milk Chan’s team（Mischa）、Grace(Kimman) 服裝：尺渡(Kimman) 場地：Tom Lee Music

黃劍文、鄭俊弘、葉巧琳係嶄新組合。

鄭俊弘和葉巧琳夾份游說黃劍文挑戰《港男》。

葉巧琳睇完電影《金枝玉葉》、《家有囍事》就愛上哥哥。

Fred每次開騷，都會揀唱哥哥金曲。

多年前Kimman曾被邀做哥哥騷，當他準備就緒時卻唔成事。

鄭俊弘自小被哥哥嘅歌影響得好深。

黃劍文在音樂劇中唱哥哥歌。

由黃劍文及葉巧琳主演的音樂劇《為你鍾情》將於8月16日起在戲中曲中心舉行，男女主角又唱又演，還會獻唱音樂劇主題曲《盡頭重遇你》。

黃劍文、葉巧琳會合唱音樂劇主題曲《盡頭重遇你》。

黃劍文在音樂劇中又唱又演。

黃劍文即將為音樂劇綵排。

鄭俊弘、黃劍文、葉巧琳合作演出。

婚宴晚唱《為你鍾情》冧妻

黃劍文、葉巧琳及鄭俊弘同係「哥迷」，勁like哥哥嘅Fred每次開騷，甚至下月舉行的《天使綜合症慈善演唱會》，都會揀唱哥哥金曲。他還爆出關於哥哥的小秘密：「自小被哥哥嘅歌影響得好深，尤其《為你鍾情》中嘅洗腦式歌詞『用那金指環做證…』結婚當晚我就對住何雁詩唱，佢都好感動。」多年前Kimman曾被邀做哥哥騷，當他準備就緒時卻唔成事：「當時真係有啲失望，幸而於是4月1號去咗文華酒店附近嘅隧道busking獲大堆哥迷捧場，好感動呀！」至於葉巧琳睇完電影《金枝玉葉》、《家有囍事》就愛上哥哥，笑說：「我好膚淺只係睇表面，哥哥好正，既可愛又靚仔，仲好man。」

鄭俊弘於結婚當晚高唱《為你鍾情》冧妻。

鄭俊弘常對何雁詩唱情歌。

張國榮有唔少膾炙人口金曲。

哥哥令人懷念。

黃劍文、葉巧琳在記者會中合唱。

黃劍文、葉巧琳當年於《全民造星》曾合唱。

鄭俊弘和何雁詩下月為患有天使綜合症嘅兒子舉行慈善演唱會，喚起社會關注罕有病。

提到《中年好聲音》開第3季，Kimman講明冇時間參加：「不過，第啲比賽有得玩都會去玩，因為每次比賽都有得著，正如參加過兩屆《中音》嘅曾蜜詩所講『唔通考試唔合格唔去再考咩？有啲人要考幾次先入到大學。』」Fred自言欣賞Kimman對追夢的堅持，竟搞笑說：「嚟緊舉行《港男》，乜都試吓呀！」Kimman聞言狂笑耍手話：「唔得！」強調自己做運動冇嘢睇，肯定攞唔到獎。

黃劍文、顏米羔宣傳《中年好聲音》開第3季。

周慧敏和黃劍文好老友。

黃劍文曾參加《全民造星》。