38歲謝東閔(Brian)月初突然宣布離巢TVB，話晒14年感情，所以感慨出Po「希望將來再見」。Brian學到做戲技能，又學識做人，最重要凡事睇得好開，呢點非常唔容易，所以對TVB好感恩「俾人鬧完下次咪學精囉。」對於口臭網民挖返女友朱智賢「偷食蛋糕」事件，回帶嘲諷「綠帽俠」賀他離巢，因為唔睇網上留言8年，Keep住保到平安的Brian唔嬲之餘仲為網民著想：「香港經濟唔好，啲人壓力好大，畀佢哋發洩下都OK嘅。」甚至多謝Haters願意留言畀佢，壇數勁高。採訪：方騫平 攝影：譚志光 場地：Variety Music Academy音樂學校

謝東閔唔care再被嘲「綠帽俠」，「鍾意講乜咪講乜囉。」

謝東閔被指高大威猛有條件，唔怕搵唔到食。

謝東閔有音樂才華。

Brian外闖，網上有唔少聲音。

肯留言都算對他有認識。

謝東閔明白出嚟待人處世EQ比IQ重要，冇EQ乜都做唔到。

010年《超級巨星2》入行的謝東閔，拍過多套劇集又唱過唔少劇集主題曲，年初播出的《本尊就位》更「升呢」做男一，本來大好前途。可能見去年11月朱智賢離巢，Brian亦步女友後塵出去闖吓。

Brian在TVB最後劇作《本尊就位》。

《本尊就位》「升呢」男一。

2010年Brian於《超星2》中奪得第4名。

今年情人節謝東閔和朱智賢出PO放閃。

返母校留影。

謝東閔最近都接咗啲JOB。

否認有錢仔傳聞

談到離開原因，Brian直言跟TVB路向唔同，他想唱歌及演戲，卻得唔到承諾，故不想浪費時間停留但同時又好唔捨得：「由於走得突然，趕唔切跟同事道別，所以『分手』後曾重返TVB一次，始終喺呢個地方唔係短時間，由一張白紙開始成長，學懂演戲及待人處事，仲識到一班好兄弟，張振朗鼓勵我要『加油』，不論朋友及事業上亦有得著，當行到停車場準備離開時，忍唔住流咗幾滴眼淚。」他強調跟TVB關係仲係好好，更指公司一直給他機會，從冇待薄過佢，收入OK維到生，還特別為自己澄清唔係賺錢買花戴：「一定唔係有錢仔，家境處於中游，只係父母有搵錢能力唔使我負擔，𠵱家冇咗棵遮蔭大樹就要拼搏，未來除專注做好音樂學校，仲做獨立歌手。」

月初，Brian突然宣布離開效力14年嘅TVB。

Brian跟吳業坤、袁偉豪等組成「Crazy Runner」。

謝東閔、吳業坤、袁偉係好兄弟。

謝東閔常跟胡定欣、袁偉豪等跑步。

CRAZY RUNNER成員。

張振朗鼓勵謝東閔加油。

被指係有錢仔嘅Brian食得好豪。

謝東閔家庭環境唔錯。

勁錫兩隻愛犬。

新人被鬧係必經

問到TVB難忘點滴?Brian稱頭3年拍劇經常被導演粗口問候最難忘：「嗰時興鬧人，個個做嘢好認真，演員落場唔啱就捱罵，我會走錯位阻人收工。」他好記得11年前拍《大藥坊》時，陳展鵬、林子善、韋家雄為提他，係咁打眼色。「呢啲事唔會打擊到我喎！喺片場要將自己放到好低，係新人必經階段，我好抵得鬧，錯就要認，打就要企定，俾人鬧完下次咪學精囉，如果咁都睇唔開就好大鑊。」Brian經過14年「洗禮」已去到化境，「年紀越大越要保持心境平靜，近4年開始學習調節心情，因為情緒會影響到思考。我見前輩陳豪及黎耀祥喺片場都唔會對人指指點點，喺佢哋身上都學到嘢。」

Brian和陳展鵬、林子善、韋家雄係《大藥坊》4兄弟。

謝東閔2011拍《你們我們他們》演技幼嫩。

2011年拍過《法證先鋒III》。

《法證先鋒V》時已判若兩人。

小品式劇作《香港愛情故事》。

凶悍嘅《殺手》。

謝東閔拍過古裝劇《丫鬟大聯盟》。

謝東閔《廉政行動2022》。

跟陳煒及陳展鵬拍《黯夜守護者》。

黎耀祥唔會喺片場指指點點。

體諒網民要宣洩

對於Brian外闖，網上有唔少聲音，有讚他高大威猛有條件，唔怕搵唔到食；亦有口賤網民留言話唔Care佢走唔走，只記得佢係「綠帽俠」！Brian聞言一臉愕然，笑住話自己好傳統，近8年冇睇網上留言，只係間中會聽下YouTuber嘅新聞評論：「我唔care呢啲留言，我又唔識你，唔會喺留言中生存，最重要係佢哋唔使負責任，鍾意講乜咪講乜囉。」Brian坦言𠵱家香港經濟唔好，市民壓力好大，他更深明大義說：「佢哋利用網絡去宣洩情緒，講完開心，畀佢哋發洩下都OK嘅，我起碼畀到你舒服啲呀，出嚟待人處世EQ比IQ重要，冇EQ乜都做唔到。」不過唔嬲還唔嬲，Brian覺得網民靠網絡宣洩唔健康：「按邏輯思考，我都唔會將快樂建築喺別人痛苦身上啦，咁可想而知佢哋係咩人？自身一定唔開心，所以唔使在意，要帶啲好嘅嘢畀人，咁自己先好㗎嘛。」

謝東閔被口賤網民留言狂踩，忠粉都睇唔過眼。

網民踩得好盡。

4年前朱智賢與人夫黎振燁假戲真做，謝東閔陪住女友走出困境。

黎振燁、朱智賢曾發生「偷食蛋糕事件」。

Brian又指藝人做每件事，觀眾都會有意見：「可能越多留言越好，證明受關注，佢哋肯花10秒時間留言畀我，我真係多謝你啦。好似Taylor Swift咁，IG留言都唔係個個正面啫。」至於網民話唔識佢，他再笑說：「唔識我唔緊要，𠵱家知咪得囉，大家可以重新認識我。」最後他透露和女友感情穩定，但未有結婚計劃，未來兩人將拍住上做善事。

未來除專注做好音樂學校，仲做獨立歌手。

余曉彤（Hidy）為謝東閔單曲《同在》拍MV。

謝東閔、朱智賢感情穩定。