農夫今日出席手提電話品牌發布活動，即場體驗手機多種拍攝功能，更邀請兩位女粉絲上台，利用前後多鏡頭功能一齊派心合照。

農夫親力親為籌備《人夫集團》

於發布會上農夫受訪時，提到密集接洽公開活動工作豬籠入水，陸永笑言忙碌歸忙碌、搵錢還搵錢，最近主力準備《人夫集團》綜藝騷演出，C君坦言籌備工作親力親為，由度橋、音樂等全數一腳踢，陸永自覺身為主辦單位要顧及更多幕後籌備：「所有行政工作，甚至工作人員膳食，幾多人食飯都要安排，忙多範但唔係賺多份！阿聰今次就開心啦、舒服晒唔駛發惡夢！」C君隨即笑言以前只主辦過棟篤笑大賽，今次主辦《人夫集團》規模更大、代價更大：「輸就輸晒！但人哋邀請我哋搞演唱會係唔會輸㗎嘛！（度橋進度如何？）度得七七八八啦，準備綵排。」

農夫越來越紅。

農夫今日出席手提電話品牌發布活動。

兩人不停賺錢。

即場體驗手機多種拍攝功能。

邀請兩位女粉絲上台，利用前後多鏡頭功能一齊派心合照。

C君和陸永默默接job豬籠入水。

兩人笑言忙碌歸忙碌、搵錢還搵錢。

最近兩人主力準備《人夫集團》綜藝騷演出。

陸永交由太太尋新屋。

他笑言「風水係興趣嘢嚟啫！」

C君指今次主辦《人夫集團》規模更大。

農夫《人夫集團》優先門票今日極速售罄。

C君透露目前優先套票包含10場演出，公開購票會有更多場次。

農夫於澳門演唱會邀得陳慧琳成為嘉賓。

古天樂月底開唱，陸永指農夫「必定會喺紅館做啲嘢」。

農夫與張繼聰於10月舉行十場綜藝舞台show《人夫集團》。

3人相當搞笑。

陸永和太太被《東周刊》拍得睇樓。（《東周刊》提供圖片）。

陸永的太太Reina一向被大讚靚女。

農夫去年成立工作室。

農夫過去一年主力於內地舉行巡迴演唱會。

陸永見反應好考慮加場

綜藝騷今日上午開始優先預售更瞬間售罄，陸永表示開心之餘更大壓力，發現原來觀眾如此期待：「邊有一個鐘？廿幾分鐘就賣晒！以為有啲單丁位剩返好難清，點知連單丁位都賣埋，睇下之後會唔會加場。」C君透露目前優先套票包含10場演出，公開購票會有更多場次，但未確定加場安排：「最好體力嘅張繼聰今日唔喺到，答你唔到！」陸永則認為如果繼續大受歡迎，可以考慮取消每場之間的休息日加場，亦可以加開下午場次。

古天樂月底開唱陸永預告「必定會做啲嘢」

古天樂即將於月底舉行演唱會，農夫與老闆古天樂都有一首合唱歌，C君謙稱只是為做一種氣氛而推出，陸永談到報答老闆之前做嘉賓而調轉做嘉賓時，則不置可否：「必定會為演唱會做啲嘢，到時一定喺紅館嘅，問題係台上定台下啫。一啲都唔期待，我哋驚多啲！」

陸永回應《東周刊》獨家報道帶風水師尋新屋

對於《東周刊》獨家報道陸永帶風水師尋覓新屋，陸永回應指未必要在《人夫集團》開騷前完成任務：「未搵到，交俾太太搞，唔一定要開show前搞掂。（要睇啱風水？）風水係興趣嘢嚟啫！橫掂有機會返唔到屋企，老婆妳揀咗先，我有機會返唔到嚟㗎 ！」

陳慧琳扮「玲玲姐」出場好好笑

早前農夫於澳門演唱會邀得陳慧琳成為嘉賓，C君再次感謝Kelly：「琳琳姐好好、Kelly好好，係佢諗想做琳琳姐咁出場！」陸永續指，「佢話扮玲玲姐好好笑，出嚟嘅效果，果然真係好好笑！」往後請嘉賓方面，陸永直言每次都要度一段出場介紹，如果翻兜嘉賓則可以度少一段但驚喜較少，可能會新穎到沒有嘉賓，令觀眾更驚喜！