已故樂壇天后梅艷芳母親覃美金（梅媽）於8月30日離世，隨即引發梅家新一輪遺產與喪禮主辦權爭奪風波。被外界戲稱為「遺產界KOL」的長子梅啟明高調宣稱將以兒子身份主理身後事，並揚言動用梅艷芳信託基金為母「風光大葬」；然而，梅媽生前好友潘小文透露梅媽早立遺囑並將身後事全權交由孫兒處理，其妻Joey亦公開怒轟梅啟明涉重婚且逼得梅媽生前入院躲避、毫無資格主理喪禮。對此，肥媽（Maria Cordero）昨日（31日）於YouTube節目《娛樂好好玩》中痛斥梅啟明是徹頭徹尾、一心只想索取遺產的「敗家仔」，並直言梅媽百歲離世對老人家而言是一種解脫，終能擺脫長年被苛索金錢的困擾。

肥媽直斥梅啟明是徹頭徹尾的「敗家仔」

肥媽昨日（31日）在直播中狂罵梅啟明，對於梅啟明聲稱要動用信託基金一事表示：「（梅啟明）不嬲都想動呢個基金㗎啦！完全唔出奇，佢係咩人呀？阿梅在生嗰陣佢都係咁啦，又話開酒廊、日日都去呃阿梅啲錢。阿梅臨終時設立基金，但都阻止唔到佢哋咁樣（打官司），其實只係益晒啲律師。」直斥梅啟明一直想打基金主意。肥媽更狠批梅啟明根本不想靠自己搵錢：「佢成個人嘅人生就係諗點樣去攞人啲錢咋嘛，佢冇諗過自己去搵錢！」肥媽坦言梅媽百歲高齡離世是解脫，「第一，佢已經過百歲；第二，就唔使再畀呢個敗家仔無止境咁去攞錢。」她更痛批梅啟明不思進取：「佢成個人嘅人生就係諗點樣去攞人啲錢，冇諗過自己去搵錢！」

已故樂壇天后梅艷芳母親梅媽覃美金8月30日離世，享年102歲。

梅艷芳與梅愛芳都非常孝順梅媽。

梅媽與梅啟明一度被譏「遺產界KOL」。

梅媽於100歲時遭律政司司長入稟高等法院申請破產。

對於梅啟明的「孝心」，肥媽說：「不嬲都想動呢個基金㗎啦，做唔做都係想動呢個基金㗎啦！」

肥媽更嬲爆說：「佢有幾個女朋友，一陣間又話再結婚喎，跟住佢老婆走出嚟話未離婚。」

肥媽更嬲爆說：「佢阿媽嚟講就一個了斷。」

肥媽讚阿梅就好孝順。

肥媽說：「佢阿媽又係縱呢個仔縱到都黐晒線嘅。」

潘小文指梅媽因梅啟明用鎚仔打爆全屋搜刮財物，嚇到入醫院三個月。

梅媽過往與梅啟明多次出入法庭爭遺產。

梅媽曾在鬧市開記招，大呼要為阿梅之死討公道，當時梅啟明也相伴在則。

梅媽多年來用層出不窮原因，索取梅艷芳的遺產。

梅媽2009年曾申請80萬環遊世界被拒。

梅媽2004年至2011年間多次出入法院，梅啟明亦在旁邊傍實。

梅媽怒斥梅啟明「財迷心竅」，更被激到血壓急升不適入院。

梅媽在2022年2月更登報與梅啟明斷絕母子關係，梅啟明隨即開街頭記招，指摘是姪仔梅柏麟在背後操縱事件，又呻每月只得2萬元零用錢。

梅啟明指梅媽每個月有25萬元，但只給他2萬元。

梅啟明被指未離婚搭上泰籍女友May May，早前透露將擺喜酒結婚。

梅啟明指曾因為見不到媽媽而到警署備案。

梅啟明表示打算結婚，所以想母親（梅媽）為兩人擇日及決定婚禮事宜。

肥媽更嬲爆說：「佢有幾個女朋友，一陣間又話再結婚喎，跟住佢老婆走出嚟話未離婚，都唔知邊個係佢老婆，邊個唔係佢老婆，好多嘢㗎喎。」吳家樂又說：「我又有啲好奇啦，因為梅媽幾年前已經登報就話同呢個仔斷絕關係，開頭可能阿梅媽都會縱呢個仔啦，但係後段其實係咪已經真係好似講話兩年冇見過囉喎。」肥媽續說：「你見親都係攞錢啫，阿梅艷芳嗰套戲，人哋夠畀咗錢阿梅媽啦，即係個copyright嗰度，佢咪又係告阿梅媽，因為佢諗住佢有份㗎嘛。佢成個人嘅人生就係點樣去攞人啲錢嘛，佢冇諗過自己去搵錢。係嘛？而家佢阿媽死咗喇，咁佢又要去攞喇。有陣時生到咁嘅仔，真係算啦，係嘛？一個鼎爺個大仔，一個佢，係嘛？你咪算啦，佢鍾意搞咩咪搞咩囉，佢搞唔到嘅，做吓善事好過啦」根據梅艷芳當年的遺囑，信託基金在梅媽離世後，剩餘的資產將全數捐贈給妙境佛學會，意味著糾纏20年的遺產爭奪戰在法律層面上已正式落幕，梅啟明亦隨之「斷糧」，吳家樂和鄧兆尊在節目上亦有提及：「如果咁樣嘅話，佢應該以仔嘅身份係應該係郁唔到呢個信託基金， 所以佢咪要用最後嘅方法就係搞個風光大葬，喺中間嗰度cap水囉，帛金都cap埋，盡量cap埋最後一轉。」肥媽即說：「理得佢帛金、黑金、黃金定乜金呀，有得cap得就cap啦，係嘛？真係㗎，即係佢一生就係去點樣去將呢三個女人，嗰兩個家姐加留埋阿媽，去點樣去煠佢啲錢，當搖錢樹咁搖出嚟之嘛。」

梅艷芳曾出錢出力給梅媽成立抗癌協會

肥媽心疼地表示看着梅艷芳成長，與梅媽本身亦相識，對於梅艷芳生前死後的遭遇，坦言心疼兼火滾：「阿梅姐就好孝順。咁嗰時佢阿哥呢，就用阿梅姐個名，又話開狗房呀，又唔知開咩呀，開咩咁，去呃阿梅姐啲錢。呃咗幾次㗎喇。後尾畀阿梅姐發現咗，就唔畀佢喇，淨係畀佢阿媽。咁你話梅姐知唔知佢阿媽接濟佢？都知㗎。即係唔好再direct，就要阿梅姐去咩啦咁樣，就畀佢阿媽嘅。咁佢阿媽又係縱呢個仔縱到都黐晒線嘅。」當年梅媽曾成立一個「世界中西醫學抗癌協會」，梅艷芳曾出錢出力、捐出數千萬善款並擔任名譽主席幫忙宣傳，肥媽與一眾藝人好友都現身義唱、幫忙捐款，肥媽亦沒想到辛苦籌得的善款被梅啟明「攞晒去」：「呢個男人成日諗啲嘢，攞佢阿媽出嚟呀，用阿梅個名呀，就係要呃錢嘛。佢呢一世做嘅嘢就係『我點樣諗辦法去呃人』。嗰陣阿梅好慘㗎，因為成日有人話你阿哥咩、你阿哥咩，後尾直情大家教佢，就佢真係有announce過㗎嘛，即係唔認佢阿哥㗎嘛嗰時，阿梅都做咗，但做咗都冇用㗎。你瞇埋眼佢都仲會搞你㗎。」

梅媽2011年被終審法院裁定敗訴。

梅媽與梅啟明在中環匯豐銀行開記者會聲討。

電影《梅艷芳》為梅艷芳傳記電影，2021年11月上映，票房大收6206萬。

梅啟明於2021年突然入稟高院控告安樂的電影《梅艷芳》侵權。

梅媽與梅啟明因電影《梅艷芳》侵權問題反目。

梅媽的兩個女兒梅愛芳（左）與梅艷芳，分別於2000年、2003年離世。

梅艷芳的遺產除供養母親梅媽外，還預留讀書基金給胞姐梅愛芳的兩名兒子、兄長梅德明的兩名女兒。

梅媽育有兩子兩女，有指梅媽一向重男輕女。

梅艷芳四歲半時已與胞姊梅愛芳出來演唱。

​2014年，梅艷芳二哥梅德明患上喉癌，終在2015年離世。 ​

梅媽早已抱孫。

梅媽原本可享兒孫福。

梅媽2022年登報與兒子梅啟明脫離母子關係。

梅媽兩年半來一直拒見大仔梅啟明。

「梅媽」覃美金榮升人瑞時，收到由「勞工及福利局局長」致送祝壽賀函和賀卡。

梅媽在家中慶祝100歲生日。

梅媽早已過100歲。

梅媽曾多次上訴，想從信託公司取回梅艷芳全部遺產。

「梅艷芳國際歌迷會」今年初曾在IG分享一段梅媽的賀年祝福影片。

梅啟明曾向親妹借逾百萬元辦狗場

梅啟明在90年代末期曾向梅艷芳借了逾百萬元在元朗辦狗場，之後他去了美國發展，結果生意失敗兼欠債，爛攤子全由梅媽執手尾。梅艷芳深知梅媽覃美金理財「有道」，離世前特意設立信託基金，嚴控每個月生活費，結果兩母子為了梅艷芳的遺產分配，揭開長達十多年的爭產大龍鳳。在梅艷芳遺產爭奪案上，梅艷芳的契媽、嘉禾集團創辦人之一何冠昌的遺霜何傅瑞娜繼續作供指，梅艷芳曾給予200萬至300萬元給兄長梅啟明經營狗場，但兄長仍以母親作擔保人借錢，最終狗1場生意失敗倒閉，梅艷芳為保護母親免受債務牽連，無奈承擔起所有債務，並花費了上百萬港元為其「填氹」，梅艷芳當時感到深深被騙，也成為兄妹關係疏離的導火線。多年後梅啟明接受訪問時全盤否認外間「虧損幾百萬、資金不知去向」的指控，並聲稱這些都是造謠，他表示自己當年只有問梅艷芳借了30萬港元在元朗開辦狗場，隨後他便前往美國發展，將狗場全權交由梅媽打理。梅啟明強調是梅媽將狗場搞得一團糟才導致虧本，並駁斥稱梅艷芳生前並未對他有任何埋怨，反而表示「係佢欠我太多」！