李幸倪（Gin Lee）、泳兒（Vincy）及樂隊Daze in White日前出席《廣州超級草莓音樂節》，三個單位輪住上台，氣氛熱爆。由於首次參與音樂節，Gin Lee坦言很多事情都預計不到，所以唯有上網做功課，不過她看得最多的，竟然是當日的天氣預測，她笑着說：「因為我好怕熱，Overheat會hang機諗唔到嘢，所以要喺三十幾度曝曬嘅環境下表演係一大挑戰！」不過她亦做足全部散熱措施。最後順利完成，更說當日比平時更有power，「真係要多謝班fans俾咗我好多力量，我望住台下嘅佢哋個個曬到紅卜卜，都仍然好投入同我一齊享受八首歌嘅表演，所以佢哋真係我嘅動力！完成咗表演我哋大家要乖乖返去做返好美白，至少黑咗幾度呀。」

李幸倪首次參與草莓音樂節。

台下FANS曬到紅卜卜。

泳兒難忘全場大合唱。

FANS熱情賜予Gin Lee力量。

泳兒未唱完已嗌encore。

泳兒渡過了一個非常難忘的中秋。

泳兒投入地唱。

Gin Lee做足防曬。

Daze in White全體一同登台演出。

Daze in White主音險冇證件過關。

泳兒未唱完已嗌encore

Vincy就話好開心可以再次參與草莓音樂節，雖然天氣酷熱，但見到大家很熱情地等她出來，又一齊大合唱，渡過了一個非常難忘的中秋，「唱咗一半《我的回憶不是我的》時，已經全場大合唱，可能因為咁，大家就以為呢首係最後一首歌，所以已經嗌encore，好搞笑。希望嚟緊可以多啲參與音樂節，因為戶外氣氛真係好好。」

Daze in White主音險冇證件過關

至於樂隊Daze in White，早前部分成員曾以合作樂手身份為其他歌手伴奏參與過「草莓音樂節」，但以Daze in White樂隊名義全體一同登台演出，則是初體驗。除此之外，樂隊成員Eugene今次亦擔任師姐Gin的鍵琴手，不過期間則發生一段驚險的小插曲，「成員Michael揸車車Eugene先出發到場地。點知過關後Michael先發現主音Felix個銀包同所有個人證件都留喺佢車上！好在最後及時將證件送番澳門俾Felix過關，如果唔係就上演樂隊首次登上草莓音樂節，主音無法到場嘅驚險場面。」