《星島頭條》今日獨家爆出邱士縉（Stanley）將在本月底與未婚妻李炘頤（Alina）在東南亞舉行婚禮，而MIRROR一班兄弟亦會齊齊飛到當地，Stanley今日出席活動時被問到婚期，他沒否認，只表示不想講太多，因為有很多也是行外的朋友：「想保護返，因為本身個件事都係private，唔想佔據太多公眾嘅資源，所以婚期就唔特別講。」而在旁的Edan就笑指婚期保密到連他們也未知，再問MIRROR兄弟是否有買禮物， Stanley即笑言「折現得㗎喇！」

邱士縉預香港低調與家人食飯

至於在雪山影Pre-Wedding相，Stanley就指是3月的時候去，提到他在雪山上大聲同Alina講「我愛你」，他指因Alina鍾意韓劇，加上在雪地有着起婚紗，覺得很適合講這幾個字，但他強調是自發性講「我愛你」，至於現在心情？他就表示還好：「因為我諗未去到，我諗真係現場見到件事就應該會緊張，因為而家都仲好多工作圍繞住我，但好多嘢要決定，因為有好多唔同賓客想籌備得好啲，希望大家有好回憶。」至於到時會去多少日，他即醒目地表示不回應，不過他坦言沒有很多假期，因為需要為演唱會排練，他又謂相信就算不做兄弟的MIRROR成員，有時間也一定會出席：「大家都有啲忙，相信佢哋去到一定會去，咁好老實講，唔通Christopher Nolan搵佢哋拍戲，我冇理由阻住佢哋拍戲，但相信大家一定會想去。」至於香港方面會否也會搞，Stanley則表示會低調與家人食飯，問他玩新郎環節是否預了任玩？他就表示不知道，這些要問女方那邊，又指經歷完再話俾大家知，又冧爆表示最緊要是Alina開心。

Stanley今日出席活動時被問到婚期，他沒否認，只表示不想講太多。

他又謂相信就算不做兄弟的MIRROR成員，有時間也一定會出席。

提到他在雪山上大聲同Alina講「我愛你」，他指因Alina鍾意韓劇，加上在雪地有着起婚紗，覺得很適合講這幾個字。

至於香港方面會否也會搞，Stanley則表示會低調與家人食飯。

Stanley有份演出的電影《告別的年代》失落金馬獎男配角，雖然有失望，但也替入到圍的AK開心。

在旁的Edan就笑指婚期保密到連他們也未知，再問MIRROR兄弟是否有買禮物， Stanley即笑言「折現得㗎喇！」

雪山影Pre-Wedding相，Stanley就指是3月的時候去。

邱士縉讚李準基及坂口健太郎好Nice

Stanley剛在東京出席完新劇 《綁架遊戲kiDnap GAME》首映返港，他坦言此行好開心，因是一個好大的project：「同埋我有好有趣嘅經驗分享，就係我哋有啲訪問喺度做，我哋好多唔同國家，有泰國、印尼、台灣，我哋就帶住個耳機即場翻譯，好多語言夾雜住，我覺得幾有趣嘅經驗。」至於是否有跟李準基及坂口健太郎交流？他就指有，更大讚兩人好Nice，但自己不敢太打搞他們，只是見面寒暄幾句，指他衝出國際，Edan即封他是「國際巨龍」，Stanley謙稱不敢講，但很感恩有不同地方的工作可以令他見識多點，因為今次製作是日本團隊，所以也可以見識到他們的製作及體驗不同地方的工作環境，他又指現在暫不想出歌，所以會以戲劇為主：「想Focus啲，驚自己啲嘢做得唔好，想啲作品好啲。」

邱士縉認無金馬獎男配角提名有失望

Stanley有份演出的電影《告別的年代》失落金馬獎男配角，但其戲中的表現就被金馬執委會執行長聞天祥力讚是男配的「遺珠」，Stanley指要多謝對方在記者會中提起自己的名字：「你問我係咪失望？點都有少少，始終我未試過，都真係爭半步，係好近嘅一次，最主要係因為我哋套電影文藝啲，我好想可以多啲唔同獎項入圍，令大家再關注多啲，咁上嘅時候就會多一樣原因入場支持，呢個係其中一個有少少失望嘅原因。但唔緊要，我都好恭喜所有入圍嘅，特別係我哋今年好多香港團隊入圍，證明我哋香港製造好勁。」