屯門富泰邨的「女童拎啤酒」事件，因為涉及疑似虐兒、父母奇特的「肌肉訓練」解釋，以及隨後被起底的「綜援戶奢華生活」，在網上引發極大迴響，同時更成為城中熱話。在昨晚（8日）播出的《東張西望》，再爆出驚人內幕！原來涉案女兒曾向生父求助：「你幾時帶我走。」製作組亦曾訪問女童生母和繼父的朋友，他們均表示女童母親極愛花錢，喜歡到處炫耀並大爆二人的關係：「佢依家老公本來係佢契哥，係個男人勾引佢嘅。」事件在網上再度掀起爭議。

有人在網上開po繼續狂轟這對非常父母，有人說：「戶主夫妻已經夾哂口功，自圓其說什麼幫助女兒手臂力，根本虐兒。」、「越爆越多衰野，佢哋真係唔配做人父母。」、「呢啲人就䟴䟴腳收綜援錢嘆啤酒去旅行追星。打工仔就做生做死，求兩餐溫飽。」、「其實佢一句廢人，已經知佢咩料啦！仲要狡辯話訓練，可憐個女孩扮無嘢。」「五索」鍾睿心亦忍不住拍片並直言：「愛唔係虐待，都唔係控制。管教唔係一個虐待。」

屯門富泰邨的「女童拎啤酒」事件在網上惹來極大迴響。

穿校服的女童手抽兩袋重物沿地下行人隧道上斜。

由於重量超出負荷，女童不時要放下膠袋稍為小休，亦跟不上父親步伐。

當街坊質疑女童父親做法時，父親突回身抽走女童其中一袋啤酒。

街坊見女童父親反應之大，擔心女童回家後狀況。

涉嫌受虐女童生父的好友接受東張訪問。

生父好友指女童母親對前夫極無情，更要前夫畀錢請工人。

生父好友指，女童曾向生父表示：「你幾時帶我走」。

生父好友指，女童生父因為經濟上不許可，暫時未能接回兩女兒。

女童母的好友，指後父生母本為契兄妹：係個男人勾引佢。

網上瘋傳女童搬啤酒影片，片中的爸爸懷疑虐兒與妻子已被捕。

女童多次因不勝負荷，只能將沉重啤酒放喺地上稍作休息。

熱心街坊上前想幫手，但女童表示「我爸爸唔俾」。

街坊追問下，女童坦承「我成日都幫手拎啤酒」。

片段中女童最終與繼父及弟妹會合。

街坊問啤酒由誰人飲用，女童稱：「媽咪飲㗎！」

繼父被街坊質問後老羞成怒，搶走啤酒並怒斥女兒「廢人」。

事件於網上極速發酵，網民紛紛留言聲討，誓要為女童討回公道。

有網民貼出舊相，指早於兩個月前已見過同一女童搬運大量啤酒。

女童就讀學校亦發出聲明，表示社工及老師已即時介入跟進。

《東張西望》攝製隊上門尋找涉事家庭，希望了解事件真相。

女童媽媽一開口便大呼冤枉，聲稱事件「純屬誤會」。

女童一家五口接受《東張西望》訪問，為虐兒指控解畫。

媽媽解釋因自己體弱及貪平，才讓女兒幫忙。

11歲姐姐與9歲妹妹一同現身，媽媽稱因遺傳所以兩姊妹都「大細粒」。

媽媽表示自己是長期病患，需長期服藥致身體虛弱。

媽媽坦承自己有飲酒習慣，但聲稱正按醫生吩咐「逐罐戒」。

妹妹指媽媽的確有病在身。

繼父激動地為自己辯護，強調自己對繼女視如己出。

女童表示爸爸很愛錫她，當主持問她覺得自己處境如何，她回答「好好」。

女童懂事地表示，一家人要「分工合作」，幫忙是應該的。

女童透露，因為媽媽有長期病，所以「要多多照顧我媽咪」。

為證明媽媽體弱多病，他們向攝製隊展示家中有大量藥物。

女童父母自爆一家正領取綜援，但又透露每年會帶子女去幾次旅行。

繼父坦言對網民的負評及指控感到非常憤怒，壓力大得不敢出門。

繼父承認當時有「暴力咗少少」拿過女兒手上的啤酒，但堅稱絕無打過小朋友。

繼父稱月花二千多元為女兒報讀SEN課程，反問：「如果我唔錫佢點會咁做？」

女童透露早前到北京旅行遺失手機，更獲爸爸買新手機。

女童生父好友大爆前妻惡劣行徑

屯門富泰邨的「女童拎啤酒」事件連日來在網上又觸發連番爭議，有人不值這對父母的行徑，女童生父的好友陳先生動聯絡《東張》大爆涉案女兒母親的惡劣行徑。陳先生指出，女童生母每月向前夫（即女童生父）索取至少兩萬元贍養費：「見到呢篇報道之後，嘩，原來佢兩個女，係真係咁陰功嘅，真係睇唔過眼。」另一位認識前夫及該對夫婦逾10年的友人更直指繼父破壞別人家庭：「佢現任其實就係佢契哥，係現任勾引佢，覺得佢同佢前夫唔夾，關係有啲唔好啦。」其後有人開po直斥：「所謂嘅契哥契妹，只不過係好聽啲個朵，『阿哥』照顧『阿妹』到床上。」、「契哥契上床呢句說話由我細個聽，到而家依然啱用。」、「一個成日講大話，來遮掩事實的人，講說話都冇句真啦！」、「攞綜援但想請外傭？？？」、「呢啲劇情諗都諗到，呢啲女人都係挾持住仔女要前夫比錢，親生老竇就接返兩個，一蚊都唔洗比個賤女人，然後自己請工人湊好過！」

「五索」鍾睿心望小朋友有公平對待

身為五子女之母的「五索」鍾睿心亦在IG拍片兼並直言：「sorry講到有啲語無倫次，但真係有感而發，作為一個媽咪，真係睇到好嬲。」在片中，「五索」鍾睿心一臉嚴肅地說：「叫小朋友拎下重嘢啫，有咩問題？做咩放大？但係有冇諗過，其實呢件事可以發生得好嚴重。愛唔係虐待，都唔係控制。管教唔係一個虐待㗎。我好欣賞影呢條片然後放上網嘅人。即係如果唔係嘅話，呢個小朋友長大之後，會帶住無限嘅創傷去，可能又建立多另外一個家庭，咁呢一個悲劇就會不停延續落去。好多時呢啲就係，可能有stepfather或者stepmother，最後尾造成好多小朋友嘅悲劇。」她續說：「我覺得婚姻係冇得揀，你唔離婚或者乜，但係至少個媽咪應該要有責任去保護返自己本身仔女嘅安全。如果你係為咗嫁畀另外一個人而犧牲你自己小朋友嘅安危嘅話，我覺得呢一個家長好唔負責任。好彩香港仲有一個好有愛嘅地方，見到下面啲留言係全部都話嗰個人。希望呢個小朋友可以得到返佢公平嘅對待。」

李蘊前夫羅章冠亦為事件感到心痛

另一方面，李蘊前夫羅章冠（David）亦為事件感到心痛，他在IG限時動態轉發相關的報道影片並說：「不是說完整家庭孩子就一定幸福，但破碎家庭的孩子更容易受到明的暗的傷害。不管是爆發出來還是忍氣吞聲，學會察言觀色，完整家庭精力都用在一條主線上。破碎家庭要應付好幾條關係跟更多的生活繁雜，大人精力就那麼多，要不就是自我犧牲，要不就是會忽略孩子，古難全。不是有血緣關係就自然愛孩子考慮孩子，見過太多的例子。在面對人生抉擇取捨選擇的問題上，每個人的優先項不一樣，不是每個父母都把孩子放在第一位，成年人性是複雜自私多變的，只是委屈了孩子，只能祝這個孩子好運了。社會的曝光未必能夠改變她的原生家庭以及她幾個父母的本性，希望上天能夠眷顧這個懂事的女孩，讓她有點運氣跟奇跡，自己也要時常給自己敲警鐘，有苦跟不理解盡量自己咽，盡量委屈自己也別委屈孩子，孩子是無辜的。」