近日網上瘋傳一段發生在屯門富泰邨的懷疑虐兒影片，一名年約10歲的女童身穿校服、背著重甸甸的書包，雙手更吃力地提著兩大袋啤酒，事件涉及虐兒，警方昨日（7日）已將女童的生母及後父拘捕。今晚《東張西望》繼續跟進事件，找到女童生父的好友接受訪問，指女童生母對前夫極度無情，曾將他告上法庭，並嬲到話若自己是女童生父，「就算坐監都要打佢」；而涉嫌受虐的女童，更曾乞求生父盡早帶走她，希望脫離現時所住的家庭。

涉受虐女童曾求生父帶她走

東張指聯絡到女童的生父，後者向製作組透露了不少細節，但因為警方已跟他聯絡，故此希望訪問不要播出。另一方面東張亦聯絡上生父的好友，後者就大爆女童生父其實極鍚兩位女兒，但因為要長時間工作，未能接走兩名女兒：「佢好錫兩個女，但因為要做嘢，唔可以照顧兩個女，所以啲女先跟阿媽。有次涉案女兒跟生父見面，就同爸爸講『你幾時帶我走』。」

涉嫌受虐女童生父的好友接受東張訪問。

生父好友指女童母親對前夫極無情，更要前夫畀錢請工人。

生父好友指，女童曾向生父表示：「你幾時帶我走」。

生父好友指，女童生父因為經濟上不許可，暫時未能接回兩女兒。

女童母的好友，指後父生母本為契兄妹：係個男人勾引佢。

網上瘋傳女童搬啤酒影片，片中的爸爸懷疑虐兒，昨日（7日）與妻子已被捕。

女童多次因不勝負荷，只能將沉重啤酒放喺地上稍作休息。

熱心街坊上前想幫手，但女童表示「我爸爸唔俾」。

街坊追問下，女童坦承「我成日都幫手拎啤酒」。

片段中女童最終與繼父及弟妹會合。

街坊問啤酒由誰人飲用，女童稱：「媽咪飲㗎！」

繼父被街坊質問後老羞成怒，搶走啤酒並怒斥女兒「廢人」。

事件於網上極速發酵，網民紛紛留言聲討，誓要為女童討回公道。

有網民貼出舊相，指早於兩個月前已見過同一女童搬運大量啤酒。

女童就讀學校亦發出聲明，表示社工及老師已即時介入跟進。

《東張西望》攝製隊上門尋找涉事家庭，希望了解事件真相。

女童媽媽一開口便大呼冤枉，聲稱事件「純屬誤會」。

女童一家五口接受《東張西望》訪問，為虐兒指控解畫。

媽媽解釋因自己體弱及貪平，才讓女兒幫忙。

11歲姐姐與9歲妹妹一同現身，媽媽稱因遺傳所以兩姊妹都「大細粒」。

媽媽表示自己是長期病患，需長期服藥致身體虛弱。

媽媽坦承自己有飲酒習慣，但聲稱正按醫生吩咐「逐罐戒」。

妹妹指媽媽的確有病在身。

繼父激動地為自己辯護，強調自己對繼女視如己出。

女童表示爸爸很愛錫她，當主持問她覺得自己處境如何，她回答「好好」。

女童懂事地表示，一家人要「分工合作」，幫忙是應該的。

女童透露，因為媽媽有長期病，所以「要多多照顧我媽咪」。

為證明媽媽體弱多病，他們向攝製隊展示家中有大量藥物。

女童父母自爆一家正領取綜援，但又透露每年會帶子女去幾次旅行。

繼父坦言對網民的負評及指控感到非常憤怒，壓力大得不敢出門。

繼父承認當時有「暴力咗少少」拿過女兒手上的啤酒，但堅稱絕無打過小朋友。

繼父稱月花二千多元為女兒報讀SEN課程，反問：「如果我唔錫佢點會咁做？」

女童透露早前到北京旅行遺失手機，更獲爸爸買新手機。

女童母親要求前夫畀錢請工人

好友亦指女童母親對前夫十分無情：「有次生父要返大陸做嘢，已經聯絡咗前妻，話會遲啲畀贍養費。點知佢喺大陸落返香港時，先知自己受通緝，最後要上晒法庭，之後佢拿拿聲畀番晒所有贍養費金額」。好友亦指，女童生母同前夫講，指自己「湊唔掂」小孩，向前夫指要請工人姐姐：「女童生父依家淨係畀照顧女兒嘅費用，最少都要兩萬，所以佢日捱夜捱要打起碼兩份工」。提到女童拎啤酒影片，好友表示：「見到真係覺得好離譜，如果我係生父，我坐監都要打佢」。

母親好友：係個男人勾引佢

而東張亦訪問了女童生母以及後父的朋友，他表示女童母親極愛花錢，喜歡到處炫耀，更大爆原來生母的現任，本來是她的契哥：「我識咗女童生母十幾年，都識佢前夫，佢依家老公本來係佢契哥，係個男人勾引佢嘅。女童阿媽不滿個前夫，好早嘅時候關係已經唔好」。亦大爆女童生母點解要生多個：「因為兩個女，佢依家個老公冇份，佢哋要攞綜援，所以咪要再生。嗰兩個大女係乖嘅，但個後父就對佢哋唔好，佢自己親生嗰個就錫」。