江美儀、朱敏瀚今日出席《善心滿載仁愛堂》記者會。江美儀在台上吩咐朱敏瀚，要在當晚展現8舊腹肌，接受訪問時，朱敏瀚「縮沙」指自己未必有8嚿腹肌，但可以分兩嚿給美儀姐。記者笑言朱敏瀚將美儀姐「擺上枱」，朱敏瀚回應：「美儀姐always ready！」突然被「擺上枱」的江美儀又反問：「咁兩嚿咩呢？」問到他語塞。停頓了好一會後，朱敏翰才想到「解釋」，說：「兩嚿，咪兩百囉。」即時被美儀姐嫌少。

江美儀八卦蔡潔大腿的紋身。

江美儀叫新一代「吸金王」朱敏瀚請食飯。

朱敏瀚坦言係開心工作。

江美儀爆《試真D唷》有意開第三輯 。

朱敏瀚提議去印度拍《試真D唷》，江美儀卻被恆河水奶茶嚇到嘩聲大叫。

江美儀叫朱敏瀚晒8嚿腹肌。

朱敏瀚「縮沙」指自己未必有8嚿腹肌，但可以分兩嚿給美儀姐。

朱敏瀚擺江美儀上枱。

《星島頭條》獨家報道朱敏瀚早前到大馬工作，密密做密密搵，被封新一代「吸金王」。

朱敏瀚都好FIT。

朱敏瀚和江美儀齊拍《試真D唷》。

《試真D唷》將再下一城。

江美儀自揭曾想紋喺割盲腸位置

談到江美儀在座位中與蔡潔的談話內容，江美儀透露蔡潔的紋身是一首好友送給她的詩。及後，江美儀又分享說，當年在美國留學時曾想過要紋身在割盲腸的位置，因為看到有個大漢紋身時痛到喊，後來又作罷。

江美儀爆《試真D唷》有意開第三輯 

講到《試真D唷》大成功，江美儀也透露製作組有意開拍第三輯。江美儀就表示觀眾不妨提議拍攝地點。朱敏翰說：「我聽過輕度，中度，重度，印度。點解想去，因為自己旅行未必會去。（有咩危險就有公司保險？）係呀。」江美儀也說：「有啲咩我會勸佢唔好食！因為未必包！」記者提議嘗試「恆河水奶茶」，江美儀即時「嘩」了一聲。

江美儀唔熟何沛珈陳若思

講起《女神配對計劃2》何沛珈和陳若思疑似不和事件，審判之一的江美儀表示不知情，更劃清界線，坦言：「唔熟佢哋，因為冇見過佢哋一齊。」坦言大多數時間都是對着男性參加者，不太清楚她們。

朱敏瀚被封吸金王

另外，《星島頭條》日前獨家報道朱敏瀚到大馬工作，簡直是密密做密密搵，被封新一代「吸金王」。「我都希望陸續有嚟，唔係話搵好多，但係開心。最好嚟緊同《試真啲》一班兄弟姊妹一齊。」美儀姐和顏悅色，說：「乖啦！」但如果商家只請朱敏瀚出騷呢？江美儀幫口補充：「唔緊要，搵到啲錢請我哋食飯咪得囉！」