ViuTV全新團綜《MIRROR ACE》由10月12日起，逢星期一至五晚上10時30分播出。《MIRROR ACE》透過不同任務、遊戲、挑戰，呈現MIRROR 12位成員於綜藝、舞台及團隊合作等範疇的ACE定位；同時透過團隊“One and All”精神，讓觀眾見證12子如何成為舞台上最具實力及影響力的香港ACE男團。

MIRROR平板支撐鬥耐力

今晚（14日）即將播出的第3集，節目組舉行「第一屆全天候有冷氣贏咗有獎金嘅CP運動會」。顧名思義，賽前的重要事項當然是先分CP，MIRROR比賽平板支撐鬥耐力，越堅持得耐，越有優先權選擇自己的CP隊友，呂爵安（Edan）聽完規則後反應︰「咁阿Jer贏硬，佢話佢做開5分鐘。」柳應廷（Jer）回應︰「都成十年前嘅故事，我以前音樂劇呢，我真係玩5分鐘，跟著一路唱歌一路做㗎。」不過，製作組對遊戲設計當然別有用心，各CP需要扣上手扣，上鎖進行比賽，整日形影不離，盧瀚霆（Anson Lo）疑問︰「即係點啊，去廁所都要扣住？」製作組回答︰「係今日所有遊戲都要扣住㗎啦。」Anson Lo隨即反應︰「噩夢啊。」

Tiger、Edan「奶油CP」戴上手扣。

姜濤、Frankie「姜皮CP」戴上手扣，上半集遊戲為10米氣手槍對決。

Stanley、Jer「大表Jer CP」。

Jeremy、Anson Lo「95 line CP」。

Ian、AK「Ianson CP」。

Lokman、Alton「Lokton CP」。

Edan貼心借膊頭助Tiger破蛋得分。

今晚下半集開始有香港女子桌球「世一」運動員吳安儀擔任節目嘉賓，同12子大玩桌球。

MIRROR比賽平板支撐鬥耐力，越堅持得耐，越有優先權選擇自己的CP隊友。

AK好靚仔。

MIRROR 10米氣手槍對決

上半集為10米氣手槍對決，按CP分成二人一組比賽，鬥射得高分，練習時邱士縉（Stanley）竟射中10分紅心，周遭隊友隨即驚訝嘩然，第一輪比賽時Edan亦射中9分，王智德（Alton）隨即驚呼︰「捉佢去驗尿！」之後其他隊友紛紛互相安慰︰「唔緊要㗎，Tiger唔得㗎。」言下之意，全因為與Edan同組的CP隊友邱傲然（Tiger），賽前練習時已力不從心，所以大家不擔心這組分數，輪到Tiger射擊時，Edan貼心地借出自己膊頭畀Tiger借力，Tiger今次終於得分，Edan馬上舉手高呼︰「哇！突破咗零啊！1分啊！叻仔叻仔！」Tiger笑言︰「都有少少貢獻。」

吳安儀加盟篤波

除此之外，今晚下半集開始有香港女子桌球「世一」運動員吳安儀擔任節目嘉賓，同12子大玩桌球，想知Anson Lo如何憑運氣爆冷擊敗吳安儀，就要鎖定第三、四集《MIRROR ACE》。