由「金牌媒人」林盛斌（Bob）主持的TVB戀愛真人騷《女神配對計劃2》，逢周日晚八點半翡翠台播映。第七集《女神2》，12位求愛勇者吳兆麟（Alan）、吳旭東（東東）、俞鋆瑞（Ice）、譚梓樂（Hepta）、李爾晨（Kyle）、林子朗、伍頌曦（Preston）、侯建民（Zico）、林福明、吳俊峰（Mark）、方智弘（Oscar）及關經翰（Oswald），與五位女神何沛珈（Roxanne）、阮嘉敏（Mandy）、陳若思（Amber）、俞可程（Kanis）、郭珮文（Juliana），及2位隱藏女神梁超怡（Chiuyi）及陳星妤（Yvette），將挑戰刺激感及粉紅泡泡滿滿的「心跳」主題考驗，女神們與求愛勇者將經歷一場超近距離的「心跳回憶」。

俞可程秒變何沛珈、Oscar電燈膽

為搞搞新意思，5位女神將與有好感求愛勇者，齊齊坐製作組安排的車出發前往今次拍攝現場，當中最有趣的，是由於何沛珈、俞可程之前都揀了Oscar，結果就出現「三人同車」經典黃金畫面，氣氛極度爆笑尷尬。三人上車的順序是俞可程、何沛珈及Oscar，當俞可程見到上車的竟是何沛珈，她即大呼尷尬：「好尷尬呀！即係我哋要兩個女仔，加一個男仔同一架車。」何沛珈則大方主動了解，俞可程與Oscar的發展進程。何沛珈：「我想同你傾吓偈，想知你到底係咪非佢（Oscar）不可，或者愛佢愛到揀唔到第二個喇？」對此，俞可程坦言其實仍在觀察階段：「都要再多啲時間相處吓，有冇興趣了解多啲就一定有，但係咪非佢不可，放棄晒所有人，又未去到呢個程度。」

俞可程𥄫吓邊舍上車先！

驚見情敵何沛珈。

Oscar夾在中間。

何沛珈主動開口講嘢。

俞可程尷尬笑……

空氣突然靜了……

畀節目組玩死。

東東送阮嘉敏企鵝公仔掛飾，令她笑逐顏開。

阮嘉敏對東東好感大增。

何沛珈、俞可程同求愛勇者經歷一場超近距離的「心跳回憶」。

何沛珈攻擊Oscar情感禁區

而最後登車的Oscar，當見到車廂中既有俞可程、又有何沛珈，亦嚇了一跳，雖然表現勁尷，但還是勇敢地提出「公道坐法」：「我坐中間咯」、「嘩！搞啲咁嘅嘢」、「開心驚喜刺激」，由於不知如何打開話題，三人一度陷入Dead air，極度尷尬的三人最終爆笑收場，Oscar則乘機搞氣氛：「好喲，鬥尷尬咯！」為了打破悶局，三人將話題扯到「染髮」上，豈料換來一輪「差別待遇」爭風呷醋事件，何沛珈突然「火力全開」，搞笑地句句求Oscar關注兼捉錯處：「點解你唔讚我嘅」、「點解你留意佢IG嘅」，最終事件演變成Oscar與何沛珈鬥嘴、俞可程陪笑，事件亦意外令何沛珈與Oscar感情升溫。俞可程亦大方指Oscar與何沛珈好夾，「我覺得佢哋嘅互動都幾搞笑，都幾啱傾嘅，我就覺得可能佢哋都幾夾。」

阮嘉敏對東東好感大增

何沛珈、俞可程被安排近距離爭仔，至於東東、Hepta則隔空出招爭阮嘉敏。雖然很多人都覺得東東勝券在握，但東東仍是竭盡所能討阮嘉敏歡心，完全是「長跑型癡心男」。二人齊齊坐車出發前往場地時，東東為阮嘉敏送上企鵝公仔掛飾，成功令她笑逐顏開。另一邊廂同樣深愛阮嘉敏，而且年期仲要有番咁上下長的Hepta，雖然連與她好好長時間相處的機會都還未遇到，但一樣是竭盡所能，為阮嘉敏花盡心思，這天拍攝，他便為她送上眼藥水，Hepta：「你鍾意一個人，佢同你講話佢鍾意嗰樣嘢，你就會記住下次想帶畀佢架啦。」原來Hepta一直都有為她送上各式各樣的必須品，是一等一「絕世暖男」，阮嘉敏：「佢成日送好多膠布、眼藥水呀，佢係行走嘅便利店，我真係諗唔到佢做漏啲乜。」