74歲的李修賢縱橫演藝界逾半世紀，近日他接受資深傳媒人汪曼玲主持的《快拍．曼鏡頭》訪問，分享當年發掘張家輝的經過。李修賢憶述當年籌拍《壯志雄心》，曾在少年警察學校受訓且做過4年正職警員的張家輝前來試鏡，李修賢隨即大膽起用他擔綱，更安排他蹲在導演身旁做場記學鏡頭與剪接。拍了兩部戲後，李修賢坦言：「我話我唔可以套套戲都畀你做男主角，你冇可能成日等住我公司開戲，你要見下出邊個世界！」隨後更點撥張家輝轉投亞視：「你入無綫嘅話，你而家入去唔夠人搶、唔夠人爭。你去亞視，用你學到嘅嘢慢慢熬出頭」，對於張家輝日後榮登影帝，李修賢謙稱全是對方爭氣：「係佢自己努力，我哋只不過有個機會畀到佢。做人把握到機會一定要好好珍惜，唔珍惜就根本冇前途！」
李修賢摯友傅聲離世至今未釋懷
談及一生摯友，李修賢對同門師弟傅聲的早逝依然難以釋懷。李修賢感觸直言：「我最捨唔得就係呢個好同學！」他透露傅聲當年雖出身名門富家，但進訓練班時家人未有支持，「唔畀錢佢，搞到飯都冇得食」，全靠李修賢兼職整鋁窗請客吃飯結為莫逆。兩人年輕時堪稱全邵氏「最曳嗰兩個」，李修賢笑稱當年傅聲沒錢買煙吃飯，兩人竟跑去找方逸華借五百元，遭拒後怒闖邵氏停車場大鬧：「我哋跳上車頂係咁踩，踩到車頂凹晒，製片部即刻衝出嚟嗌『落嚟落嚟！借畀你！』」然而提及1983年那場奪命車禍，修哥痛心還原慘劇細節，直指當時汪禹駕車企圖越線超車，導致交通意外，摯友傅聲重傷不治，成為李修賢心中永遠無法撫平的遺憾。
李修賢與老婆恩愛47年現弄孫為樂
在感情生活方面，李修賢戲外則是專一顧家的好丈夫。他與曾任職空姐的太太李月華結婚47載，感情歷久彌新。李修賢分享兩人的相處之道時笑言，李月華是馬來西亞華裔、香港出生，自幼受英文教育，「佢母語係英文，同我講嘢要用英文諗完先講，咁樣反而少咗好多嗌交！」如今李修賢弄孫為樂，女兒嫁給澳洲籍教師並育有三名混血外孫，每逢週末孫兒便直奔家中樓梯翻找禮物，讓他與太太每週都要絞盡腦汁準備驚喜。李修賢對晚年生活十分豁達知足：「屋企個個身體健康，有正當職業，我就好滿足。喺屋企他他條條同老婆吹水、揸車食好嘢，週末同孫仔玩，人生仲求啲咩？」
李修賢指張徹導演最唔錫自己
李修賢提到恩師張徹導演的微妙緣分，當年他在邵氏受訓僅7天，便因在馬房平台練功被張徹一眼看中簽約7年。雖然張徹極疼弟子，但李修賢坦言恩師在電影上從未給過他主角機會：「蔡瀾先生都講過好多次，張徹唯一冇捧過就係李修賢，有一部《五虎將》我只係其中一虎，佢最錫係聲仔（傅聲），最唔錫係我。」即便後來張徹赴台發展也未帶上他，李修賢心境卻始終坦然感恩，毫無半點怨尤：「佢唔錫我，冇做主角冇所謂，人哋帶得你入行，畀咗個起點你，你仲怪責啲咩呢？條路始終係靠自己行出嚟！」言談間盡顯一代電影前輩飲水思源的豁達胸襟。
追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca
