TVB節目《東張西望》今晚（20日）繼續跟進荃灣「劏房中醫」涉嫌販賣病假紙，與假診症收據的內幕。診所不僅「來者不拒」，更被爆出中醫師曾因在診所內經營私煙生意而被捕，背景極為複雜。外景主持甘詠寧親自上陣「放蛇」求診，在成功獲取假紙後，即場自揭身分與醫師當面對質，中醫師竟理直氣壯爆金句：「一個月做醫生賺幾萬銀，好正常啦！」
觀眾踢爆輕微病徵批四日假
節目收到「蕭先生」報料，中醫診所最近三個月內出現極不尋常的請假情況：「其實呢樣嘢，最主要都係最近呢三個月，因為我哋有個同事，佢就兩個禮拜內，就連續睇咗呢個醫生兩次。咁個病徵就係，其實係好輕微嘅病徵，佢就連續睇咗兩次，請咗四日病假。」質疑診所濫發病假紙。
臥底「放蛇」實測不需把脈
為查明真相，《東張西望》派出臥底進診所「放蛇」，過程中，涉事的陳醫師不僅沒有認真看診，對於普通感冒的病假，陳醫師指日數不多，還暗示用其他病情過關：「普通感冒唔可能批六日㗎，骨折、跌打損傷可以批六日。扭親？可以，完全可以。唔可以畀人查到我呢度係買病假紙，買病假紙本身犯法，衛生署一查我會釘牌。」至於「夾價」開收據，陳醫師表示：「唔可以超過1,000蚊。」隨後建議600餘元。
節目再派出另一臥底「放蛇」，陳醫師雖然有把脈，但表示其診所內沒有中藥提供，可以免費開藥方，但要自行去藥材舖執藥。當要求開病假紙及收據向保險索償，陳醫師即表示要收費，病假紙為100元，而收據則20元。陳醫師直言：「如果（攞）假要錢？要假唔使錢呀？」
中醫師自豪「望聞問切」一望便知
甘詠寧之後自揭身分與陳醫師當面對質，面對鏡頭的陳醫師，未見慌亂還為自己狡辯：「買病假紙犯法㗎！唔係個個病人嚟，但係有啲人唔需要食藥，但係有啲人需要休息，就一樣開俾佢。」甘詠寧指之前的「放蛇」行動，已有同事買到病假紙，更不用把脈問診。陳醫師自豪稱：「呢啲嘢，望聞問切，一望就知啦呢啲嘢。」
隨後，外景主持甘詠寧親自加入「放蛇」行列，表示想要「四日假紙」，陳醫師問：「咩事呀？頭痛。」卻表示頭痛只可以開兩日假，但如果甘詠寧要四日假，可以分兩張病假紙：「如果四日呢？你開多一張就可以，於是兩日。跟住兩日，咁樣開，可以。你一張交上去，抖兩日。然後第二張，再交上去就得。」
陳醫師涉助客「報假數」騙保險
陳醫師隨手翻開病歷排版，炫耀自己「生意興隆」，指單是9月份已經有數百名病人：「開假紙呢，一日平均三幾張有。錯就唔係幾錯，呢度50、呢個就60個，61、62、63、64、65、66、67、68個，今日18號，我已經400個，仲唔好？一半個月咋喎，我冇話我冇生意，我呢度收費又平。」當被踢爆400個客每人收100元，已有4萬收入，陳醫師未有否認：「我一個月賺幾萬銀，唔出奇啦！一個月做醫生賺幾萬銀，好正常啦！」
被問到在收據上因應「病人」要求填寫金額，寫假收據以向保險公司報銷。陳醫師毫不諱言地透露：「收據係有嘅，例如話我收你3百蚊，『唔該！幫我寫多兩嚿水好唔好？』五嚿水佢攞去報銷，攞去保險公司報銷，有可能呢啲，呢啲偶然一兩次有。」甘詠寧隨即指出「呢啲係犯法㗎醫師」時，陳醫師承認：「需要改正。」
衞生署及相關部門：不會評論個別案件
大律師陸偉雄指出：「如果明知係咁呃緊公司，咁如果喺呢個情況底下呢，個醫生自己如果去發一張咁嘅紙呢，就會有一個詐騙罪。但佢如果同埋個病人一齊夾計去呃公司呢，咁就係串謀詐騙罪。」而《東張西望》就事件曾去信衞生署及香港中醫藥管理委員會（管委會），獲一併回覆：「不會評論個別案件」。
追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca
