TVB台慶劇《璀璨之城》首播後引爆無限熱話，官孝賢（張智霖飾）與官孝君（吳卓羲飾）兩兄弟為家族接班人爭奪戰正式展開，幾乎每一集都相關連的人物登場，日前飾演吳卓羲太太的Kate（張曦雯飾）預告將會與張智霖上演一場長達7分鐘、半裸只剩底褲的大尺度肉搏羞辱戲，張曦雯坦言曾因心理關口與尺度太大而一口拒絕，令拍攝進度一度陷入僵局。

蔡一智寸爆登場成為MVP

這場大尺度肉搏羞辱戲不日上映，在昨晚（21日）播出的一集，官家千金官詩雅Celia（蔣家旻飾）老公湯俊宇Felix（周志康飾）的親哥哥湯信義（蔡一智飾）澳洲出獄返港，官家為其洗塵，蔡一智不畀面不特止更句句有骨，寸爆宴會食物冇質素之餘，又當眾聲大大教訓細佬周志康沒想法、沒出息，兼且著他唔使畀面官家，結果張智霖出手教訓，蔡一智怒爆掟餐巾拂袖離座，成為今集的MVP。

首度登場的蔡一智相當亮眼，一身搶眼紫色西裝，再加Mean爆嘴面及囂張語錄，相當有記憶點，網民大讚蔡一智出場有型有款有霸氣：「點解掟毛巾可以掟到咁型？」蔡一智入行多年只參與過三部無綫劇集拍攝，先後是1992年《沖天小子》、2013年《衝上雲霄II》，及熱播中的《璀璨之城》，原來今次是張智霖親自出馬邀請蔡一智演出，更當正自己是蔡一智褓姆及戲劇指導，自覺有責任照顧好友的同時，亦想確保好友演出符合水平以免影響劇組。談到要與老公鬼鬼的張智霖演敵對關係，蔡一智坦言有點不適應：「我哋咁多年朋友真係太熟，初時演敵對好唔慣。但Chilam好好，佢一有時間就會同我對稿、提點我，幫我快啲入戲。」

雖然《璀璨之城》今晚（22日）播出第10集，不過網民已經開始盤點嫌疑人物，暫時呼聲最高的，分別是老是常出現的「表叔管家」方易安（鄭子誠飾），以及即將現身的龔慈恩。今次鄭子誠以極穩重忠厚形象亮相，包括長年冇乜大表情、兼只有微妙表情變化的演出，但由於角色性格見風使舵、欠缺絕對忠誠，變相增添Big Boss嫌疑，為此，鄭子誠說：「我表面上係一個官家，但其實我一切都看在眼裏又一切都聽在耳裏，所以演繹要保持沉實，唔可以有太誇張嘅表情，如果唔係會畀人知道我聽緊佢講嘢，我會用深藏不露嚟形容。」鄭子誠笑指造型全由都是監製發辦，唯一曾爭取過的是想為角色加返副眼鏡，皆因有助增添自信，可惜最終卻因姜大衛而被監製拒絕：「其實監製喺造型度成日都好有心思，我試過電鬈頭髮、又試過好短，今次佢就叫我Gel頭同黐鬚。我曾經爭取過戴眼鏡，因為戴咗我有信心啲，但佢話因為John哥戴，我又成日同佢有對手戲，所以唔好撞得太犀利喇。」