TVB台慶劇《璀璨之城》熱播中，剛播出一周即掀起話題。張智霖（Chilam）今次在劇中大膽挑戰極暗黑角色，並與陳瀅及陳曉華有火辣調情戲，破格演出引來網民熱烈討論，再度人氣急升。在第7集張智霖對高海寧施展的「暗黑豪門虛情假意」哲學句句心寒，被網民封為「極品渣男」 幾乎人人喊打，但在現實生活，張智霖是一個標準好男人，不單愛做家務，與兒子張慕童（魔童）的相處方法，亦令人刮目相看。

魔童陸軍裝造型原來張智霖是游說

近日張智霖接受資深傳媒查小欣的YouTube節目《紅查館》的訪問，多年來外界的覺得魔童不單盡得父母的優良真傳，甚至比爸爸張智霖還要俊俏，對此，張智霖在節目上一臉自豪地說：「如果喺佢個年齡，即係佢19歲、我19歲，咁19歲嘅佢的確係靚你過19歲嘅我。但係我19歲嘅佢亦都未必過55歲嘅我。」談到魔童的陸軍裝造型，原來張智霖游說了很久，而媽咪的反應，更是令人爆笑。

張慕童自小已長得很俊俏。

張慕童樣貌似足袁詠儀拍《金枝玉葉》時。

袁詠儀近日接受資深傳媒人余家強的電台節目訪問，首次公開向兒子道歉。

袁詠儀55歲生日收「最美鮮花」。

張智霖在現實生活是一個標準好男人。（《紅查館》影片截圖）

談到魔童的陸軍裝造型，原來張智霖游說了很久。（《紅查館》影片截圖）

張智霖說：「其實由佢出世嘅第一天，我哋嘅期望就係希望佢做一個健康快樂嘅好人。」。（《紅查館》影片截圖）

張智霖說：「我唔係一個讀書嘅材料，我相信老婆都唔係，應該都差唔多。」（《紅查館》影片截圖）

談到魔童休學一年去見識一下世界，張智霖說：「 人都係去補償自己童年嘅一些缺失。」（《紅查館》影片截圖）

張智霖身穿全白西裝大展歌喉，舞台王者氣場十足。

張智霖換上紫色風衣配搭墨鏡型格開唱，散發熟男魅力。

張智霖席地深情獻唱，沉浸在音樂之中。

張智霖穿上粉色亮片外套帶動全場氣氛，狀態大勇。

袁詠儀戴上黑帽、打扮低調現身觀眾席，全神貫注望向舞台力撐老公與兒子。

張智霖笑意盈盈走近兒子，父子同台合體互動默契十足。

張智霖在台上熱力開唱，引爆上海站氣氛。

袁詠儀在看台興奮舉起手機狂拍，記錄老公與兒子的高光時刻。

19歲魔童（張慕童）抱著結他亮相，立體五官被讚完美繼承父母神基因。

魔童低頭專注彈奏，神情認真，外貌極似媽咪袁詠儀。

演出結束後魔童笑容燦爛向觀眾揮手致意，星味十足。

袁詠儀在台下默默守候，低調裝扮掩蓋不住專注的慈母眼神。

張慕童坐於樂隊席整裝待發，台風沉穩淡定。

張慕童與父母一樣是「顏值天花板」。

張智霖早前在廣州舉行一連兩場演唱會。　

袁詠儀的19歲兒子「魔童」張慕童登上爸爸張智霖的演唱會舞台。

張智霖期望魔童做健康快樂好人

張智霖笑稱魔童其實比較似媽咪，所以偏向柔和：「佢啲髮型不嬲都比較長，所以我同佢講要有啲剛強啲嘅髮型，你就會啱啱好，有一天佢突然話去剪頭髮，剪完返嚟媽咪見到嚇咗一，因為好佢好反對，我老婆佢屈服於習慣性，長頭髮叫佢唔好剪，剪咗又話好留，我諗人都係馴服喺自己的習慣。」近日魔童在張智霖的個人巡唱上，擔任結他手為爸爸伴奏，處男下海的魔童表現相當沉穩，專注地彈奏著電結他，顯得十分專業，其驚喜亮相成為全場焦點，其後向太陳嵐在內地節目中大爆魔童為了專心自學音樂，不惜決定放棄升讀大學，張智霖說：「其實由佢出世嘅第一天，我哋嘅期望就係希望佢做一個健康快樂嘅好人。我到今日都冇改變我嘅初衷，都係做到健康快樂嘅好人。讀書方面要因材施教。我覺得首先睇下自己係咩料子，我唔係一個讀書嘅材料，我相信老婆都唔係，應該都差唔多，如果有遺傳嘅可能性。但我自己雖然我冇大學嘅學歷，但我自已好鍾意睇書，好鍾意學一些自己想學嘅嘢。我覺得自己可以，喺呢個世界入面吸收更多嘅嘢。我會諗好多嘢，但係嗰啲嘢未必係可以學到嘅，你要自己喺入面。因為人，我覺得，我自己是一個佛教徒，可能真係覺得自己本身，有好多嘢已經具足在內，不如喺入面搵、喺入面問。入面有好多嘢，未必需要向外求。好多時我都不停同自己去反覆思考好多嘢。」

張智霖和袁詠儀由拍拖到結婚已經逾30年

張智霖和袁詠儀由拍拖到結婚已經逾30年，問到婚姻提鍊了甚麼東西出來，張智霖說：「唔好去改變任何人。始終冇人係100%完美，包括我自己。如果你夾硬要改變我，我都會唔舒服。等於我要改變你，你都會唔舒服。我覺得要不停磨合大家，大家磨合、磨合，之後就變成一體。變成一塊鏡，一個波中間有一塊鏡，互相睇到對方嘅，大家都能夠睇到對方嘅缺點，我睇到你嘅缺點，你又睇到我嘅缺點，我嘅優點等於你嘅優點，就係咁樣一回事。如果見到對方缺點，都會略略提一下。但好多嘢都係佢自己嘅緣份，佢都有好多優點，我哋唔可以只係話，佢呢個缺點會點，佢其他優點都令好多人鍾意佢，做人唔需要為任何人改變自己，鍾意就鍾意，唔鍾意就唔鍾意。」後來張智霖亦有分享自己一套教仔方式：「每個人都有天性。當然你有一些好惡劣嘅習慣，你咁樣就會有咁樣嘅後果。我盡量提醒你，但我唔會話，你一定唔可以咁做。譬如，原來你好鍾意揸快車，你繼續咁樣會畀人吊銷牌照，我已經講明咗。但如果你仲要揸快車，你就要自己去承受呢個結果。好多時我覺得，你講係未必有用，嘗試去身教會比較好。你真係發生咗呢件事，唔好去到不可挽回嘅情況，你自己作為家長都要睇住，點樣才算不可挽回。可以挽回嘅情況下，你由得佢去嘗試，由得佢去犯錯，由得佢自己去知，咁樣做真係唔得。」

張智霖未有與兒子談入行問題

談到魔童休學一年去見識一下世界，張智霖說：「 人都係去補償自己童年嘅一些缺失，做每一樣嘢都係都去補返嗰幅圖畫，就覺得人生好完整。我都係將呢個情意結，可能擺喺個仔嘅人生道路上。我以前冇嘅，我以前唔可以咁樣。我想你可以咁樣，或者我想好嘅你，等於俾咗自己，一個情感反射。嗰時我想都冇入大學，就開始唱《現代愛情故事》喇，所以呢啲可能都係我夢寐以求嘅生活。我俾你嘅時候，我又好似俾返自己，係一個情感反射。」問到魔童是否想入想入娛樂圈，張智霖坦言：「我冇同佢討論過呢個話題。因為我覺得其實係命運，即係你做任何一個行業，唔係話你想做或者你條件好好，我見到好多條件好好嘅人，亦都未必可以得到一個等同嘅成就。所以我唔講你要入行，或者你唔好入行。點樣去判斷呢？佢係鍾意音樂嘅。但係我唔知，我都有講自己嘅經驗畀佢聽，我會話呢個係套餐，唔係只係表面開心，你一做就成功，然後世界巡迴演出。即係有好多嘢，你要去承受。如果你真係要行呢條路，尤其是你而家咁樣嘅情況，你可能會承受更多嘅聲音。因為我哋嗰時來自普通家庭，比較容易。你會困難好多，無端端會同我去比較，同我比較啲咩呢？」

袁詠儀與張智霖投資有道。

袁詠儀除了愛買物業，也愛買藝術品。

張智霖與袁詠儀多物業。

2017年，張智霖便以破當時屋苑紀錄的9,180萬港元，購入東半山傳統豪宅區大寶閣的一個高層單位。

袁詠儀與張智霖2023年以公司名義，斥資880萬置入柴灣工業城2期一個高層單位。

袁詠儀與老公張智霖是圈中出名的模範夫妻。

袁詠儀應街拍攝影師的邀請即席拍照。

袁詠儀看似簡約的穿搭價值不菲。

袁詠儀拎着逾6位數的Hermès 「Birkin à l'envers」。

袁詠儀在整個拍攝過程超級親民友善。

對於一身的打扮，袁詠儀笑說：「其實自己舒服就得。」

袁詠儀經常拎Hermès 出巡。

袁詠儀圈中著名的Hermès粉絲。

市場消息也指張智霖持有一間價值逾億元的豪宅。

從頂級豪宅到工業大廈，張智霖與袁詠儀的物業版圖橫跨不同類型。

張智霖與袁詠儀財力相當雄厚。

袁詠儀在小紅書上分享了一張與張智霖的親密自拍，曝光家中環境。

曾經有傳老公張智霖累積送逾2000萬元的手袋給老婆。 ​

袁詠儀是Hermès擁躉，圖中的Birkin Bag二手價約 $200,000。（網上圖片）

有指袁詠儀家中的收藏包包，有如珍藏館一樣。

袁詠儀的手袋款式包羅萬有。

袁詠儀飾物都用Hermès。

袁詠儀近年開始會用比較低調的包包。

袁詠儀經常帶Hermès手袋外遊。

袁詠儀行藝術展，被網民認出主因是身上炒價逾30萬元的手袋。

網民曾在外地的Hermès專門店捕獲張智霖夫婦。

袁詠儀曾被網民捕獲時，身上所穿的藍白恤衫是Hermès出品，售價逾2萬元。

袁詠儀戴上舊版Daytona 6263，炒價由150萬至400多萬不等。

張智霖續說：「我自己唔係星二代，所以我唔知壓力有幾大。但係可以睇到，你做一件事都有咁多迴響，咁多人關注嘅時候，如果係我，我又即刻擺返自己嘅睇法，真係唔容易，點樣去調整自己嘅一個諗法，都係一些功課。大家都要學習，過程都在學習，原來會畀人誤解，俾予人好多奇怪嘅發揮空間。但都係一種學習。某程度上要知道父母係咩身份，或者父母會帶畀佢某一種唔方便。」 至於父子檔上陣，張智霖說：「如果我自己一個人出發，好正常咁去，但係同佢一齊時，反而我仲多咗一份操心。我明明就應該要 focus 點樣去做一場 show，而家要分多一份精力出嚟睇住，可能聽到呢個 chord 你彈錯咗。但係你可能要返到酒店，你先可以同佢講，頭先你彈得唔啱。點解我要多承擔呢份壓力？但亦都係一個好難得嘅機會。係自私嘅做法，想去陪伴佢耐啲。因為細個可能出世到5歲，佢當然好需要你。5到10歲開始返學時，佢開始有朋友。10到15歲又開始有啲青少年嘅成長期。到20歲左右，基本上開始拍拖等等事情，就完全疏離喇。我睇我自己同父母一齊嘅時間，自從入行以後，可能都數得出係幾多次。所以我知道將會失去嘅嘢，而家有機會陪伴喺一齊，點解我唔攞多啲時間？」張智霖表示係欣然接受：「呢啲係畀我將來，我自己再老啲嘅時候，再回想返起，我哋曾經一齊做過呢件事。可以吹下水，唔只係咁簡單，你讀完書之後，已經出去做嘢，或者已經去讀大學，我哋冇見，讀完大學可能根本就唔會再有機會，好似而家咁親密，可以一齊並肩做一件事。」