TVB戀愛真人騷《女神配對計劃2》5位女神何沛珈、俞可程、陳若思、阮嘉敏、郭珮文及2位隱藏女神梁超怡、陳星妤今日（24日）和求愛勇者一起出席宣傳活動，吸引數百人圍觀。眾人以萬聖節打扮現身，活動上更大玩「心跳電話亭」，不過就男女對調，測試女神們的心跳，而本來得到四個女神揀選的Oscar更三次被選出，分別與何沛珈、俞可程及陳星妤一起玩，俞可程只是跟Oscar對望，其心跳已由本來的123狂飆至154，而陳星妤更主動攬住Oscar聽其心跳。

Oscar喜歡主動女仔

何沛珈、俞可程及Oscar一起受訪，對於獲四位女神揀選，因而被指是「Oscar配對計劃」，Oscar表示是大家抬舉，自己也有不足之處，而經濟能力不是太好也會感自卑。對於7個女神中已有4個揀他，Oscar表示：「了解吓先啫，後面都未知嘅，（搞到佢哋爭風呷醋！）唔係，大家都係了解吓，因為都未好認真同大家傾過偈，（了解成點？）而家了解深咗好多，都七成八成，但導演叮囑唔可以劇透。」至於節目中面對陳星妤心跳加速，Oscar解釋是因為不知道會發生什麼事，又指本身比較少跟不是女朋友的女性近距離接觸，所以招架不來。提到剛才陳星妤主動，他也坦言喜歡主動的女仔。

對於獲四位女神揀選，因而被指是「Oscar配對計劃」，Oscar表示是大家抬舉。

對於她在節目中積極的表現被網民指好作狀好姣，她指大家對節目會有不同的觀感，不會不開心。

對被嘲似史力加老婆，俞可程也笑言也覺得幾似，又指網民好有創意。

問到何沛珈和俞可程是否需要轉形象變得主動一點？何沛珈表示會做返自己。

身為「情敵」的俞可程指與何沛珈認識兩年，對方好nice及也很顧及自己的感受

因轉軚揀Oscar 而被網民鬧是綠茶的何沛珈就坦言每個人都要有經歷，而這也是學習過程。

何沛珈早前指因太多負評搞到要卸載其中一個社交平台，但其後卻被網民她仍然在使用，何沛珈就解釋自己的確已卸載，只是因該平台與另一個平台是互通。

俞可程只是跟Oscar對望，其心跳已由本來的123狂飆至154。

提到何沛珈被鬧主要是因選了Oscar，Oscar也承認自己確是罪魁禍首，之後他亦霸氣護花。

俞可程高EQ回應「似史力加老婆」

問到何沛珈和俞可程是否需要轉形象變得主動一點？何沛珈表示會做返自己，因為Oscar講過幾時都是做自己最好，至於何沛珈本來有很多人爭，但現在變成要去爭仔，她指現在仍是了解階段：「我哋都係了解吓先，因為之後嘅發展仲係幾峰迴路轉。」問到俞可程會否再主動點？她笑指已經出盡畢生渾身解數，再主動怕會嚇親Oscar：「已經冇得再主動，不過都唔係話爭，大家都係傾吓偈開心吓。」對於她在節目中積極的表現被網民指好作狀好姣，她指大家對節目會有不同的觀感，不會不開心，任何評論自己也會接受：「如果佢哋覺得咁係姣，佢哋都可以繼續咁樣覺得，但有啲人都會話我好sweet、好甜美，所以兩邊都睇，唔會淨係睇負面，大家都係啱啱喺節目了解我，都未知道我係一個點樣嘅人，相信佢哋睇落去會有唔同觀感。」對被嘲似史力加老婆，俞可程也笑言也覺得幾似，又指網民好有創意：「唯有下次（個妝）化得再靚啲，印吓粉。」又爆Oscar也被叫史力加。

俞可程撐何沛珈好nice

至於因轉軚揀Oscar 而被網民鬧是綠茶的何沛珈就坦言每個人都要有經歷，而這也是學習過程：「學習咗點去調整自己狀態，多謝大家關注呢個節目。（被抨擊會唔會好大壓力？）之前真係未試過，都係第一次，我已經調整好咗，所以再見大家嘅時候，大家都好關心我，亦都好多謝大家。」而身為「情敵」的俞可程也指與何沛珈認識兩年，對方好nice及也很顧及自己的感受：「我見到網民咁樣話佢，佢（網民）可能都係心痛我哋，或者緊張劇情，我覺得都唔需要咁樣，Roxanne好錫我，佢都係我大師姐。（佢係你競爭對手！）我哋唔會為啱啱識嘅人（Oscar）咁，我選港姐時，佢係師姐帶我一齊拍外景。」

何沛珈揭卸載IG仍出帖真相

何沛珈早前指因太多負評搞到要卸載其中一個社交平台，但其後卻被網民她仍然在使用，何沛珈就解釋自己的確已卸載，只是因該平台與另一個平台是互通，所以她在使用中的平台出帖，就會變成兩邊都出帖，對於網民也指她想喊但喊唔出，何沛珈說：「我喺鏡頭前想控制自己情緒，但我又係一個多愁善感嘅人，所以好多時想控制自己眼淚，鏡頭唔係好睇得出我有冇喊。」而提到她因表示不知道綠茶婊是什麼搞到又被網民鬧，她坦言這個字眼已存在很久：「冇可能無聽過，我唔覺得自己係，當大家咁話我，我都開始懷疑自己，所以我先問人究竟綠茶婊係點？我係咪真係咁樣？身邊朋友佢哋覺得我唔係就得喇！」Oscar也開口指節目流量高，有很多不同的聲音，所以會質疑自己，但就大讚何沛珈是爽直的人：「因為我哋3個人連住嘅關係，網民有好多說話影響大家，唔好咁認真對待留言，所有人都有自己嘅意見，最緊要係真實嘅人係點。（你覺得佢係唔係？）我覺得唔係！」俞可程也力撐何沛珈不是綠茶婊。

Oscar承認自己是罪魁禍首

提到何沛珈被鬧主要是因選了Oscar，Oscar也承認自己確是罪魁禍首，之後他亦霸氣護花：「我都希望大家唔好咁多攻擊性說話，大家都係了解階段，希望大家唔好俾咁多壓力佢哋，攻擊我啦！（你頂住？）我頂住，我嚟我嚟！（你揀咗未？）我七七八八喇，（佢兩個有冇份？）我唔知，導演叮囑我唔好亂講嘢！」