TVB戀愛真人騷《女神配對計劃2》昨晚（1日）播出的第9集，7位女神與求愛勇者移師主題公園大玩水上遊戲，本來她們身穿泳衣出戰，在鏡頭前動感十足勁養眼，不過陳星妤與陳若思在水上「騎膊馬」遊戲中爆發激烈大混戰。陳星妤因表現過於「狼死」，雙手強行箍頸並將陳若思撳落水，導致對方頸部嚴重紅腫瘀傷，引發網民排山倒海的批評，怒轟她是「恐怖女神」。

陳星妤發文向陳若思道歉

在節目播出後，陳星妤在Threads發文向陳若思道歉：「睇返今次節目，我有認真反省。當時太投入比賽了，冇控制分寸同力度，心裏真係唔好受。 Amber，抱歉令你受傷了。見到你嘅瘀傷，我好自責，希望你快啲好返。」但網民依然不賣帳：「其實點止Amber，兩次落場都係咁狼死，人哋跌咗落水都仲要撳人哋個頭落去，話晒大家都係同事，有必要咩？、「當時你點會唔知，隔咗咁耐先道歉？」

Yvette＋Oswald VS Amber＋阿朗

雖然Amber望落細細粒，但二人勢兇夾狼程度卻旗鼓相當，連串「花拳風火輪」及「拉拉扯扯」。

陳若思至今未有為陳星妤的留言表態

節目中一眾女神為了爭奪更換拍檔的權利進行水上水戰。首輪由身形嬌小的陳星妤對戰陳若思，兩人甫開戰便放下偶像包袱瘋狂拉扯，一度戰至表情失控。 最初陳若思「戰狼」上身向陳星妤猛烈攻擊，陳星妤先把腰向後拗並企圖避開。之後陳若思開始力氣漸弱，陳星妤開始主動攻擊，一手拉著陳若思的衣服再推她的臉，其後再出盡力用手掐捏陳若思的頸部，企圖讓陳若思下水，雖然陳若思已經被推下水，但陳星妤仍然出力將陳若思撳落水，事後陳若思說：「我全程只係諗住拉佢落嚟、將佢推落水，但佢實在太頑強喇！我點拉點推，佢都好似穩如泰山咁，完全拉唔到佢落水！」吳兆麟表示擔心陳若思，與陳若思一同出戰的林子朗更說：「因為當時喺水裡面睇唔到上面，只顧住唔可以放手，其實我好care Amber嘅安全問題，就算贏咗比賽，但如果整傷Amber，我會覺得好內疚。」陳若思至今未有為陳星妤的留言表態。

陳若思被發現「成條頸紅晒」兼瘀傷

陳若思上岸後被發現「成條頸紅晒」兼瘀傷，大批網民開PO炮轟陳星妤不顧對手安全、出手過分兇狠，有人說：「報警傷人！ 有晒片有晒證據， 有攻擊過程，有傷痕，成條頸傷晒， 撳人個頭落水！大家幫手報警加投訴！ 大家商業唔好搵呢條女合作，cut佢廣告！」、「Amber已經落水，再襟入水就唔止是遊戲想贏啦。」、「無嘢呀你？今集之前已錄咗啦，到咗街睇完先話反省?」、「吓？你係咪嚟搞笑？而家道歉有咩用，今集之前已經錄完而家先say sorry，同埋如果你係真係驚整傷人第二round就唔會繼續係咁啦！」、「贏比賽輸人品！ 點靚女都冇用心地唔好！ 以前睇《一舞傾城》後喜歡你並開始留意你。 但今次睇節目初期都覺得你有些粗魯，但真係估唔到玩遊戲比男仲狼死、好兇狠！ 在電視機面前表露無遺真性格，輸哂！」陳星妤亦曾在陳若思的PO留言：「現在回看，當時確實太投入比賽了，也覺得有些地方可以做得更好。抱歉讓你受傷了Amber。」但有人說：「貓哭老鼠+此地無銀，越描越黑，得啖笑。」、「係令人對你好失望，Ice幫你勝出咗，佢只係想去Juju的組，你都唔做返個順水人情比人哋。你真係好唔識做人，好自私，只諗自己，難怪你圈中人緣差。完全睇得出點解？人品唔得，幾靚到無用。」

第九集移師主題公園大玩水上遊戲。

Yvette由高空一直「奪命狂呼」前落水。

震撼了現場所有人士。

梁超怡屬於喊驚型。

由頭叫到尾。

「守護男神」即刻好緊張。

陳若思就算幾驚都唔敢叫出聲。

落水一刻都靚到拍廣告咁。

吳兆麟睇到眼定定。

俞可程玩得投入

安然無恙。

互相安慰。

Mandy嚇到喊。

Mandy親揭自己忌水

Mandy細個喺泳池浸親過。

表現平靜的阿Ju是大膽型

Roxanne原來好細膽。

Roxanne驚到喊咁口。

Oscar反而因為咁心動咗。

第二輪水底之戰仲激烈過水面。

超怡＋Oscar VS Kanis＋Zico

呢組睇落好斯文。

梁超怡好似好慘。

第二輪水底之戰仲激烈過水面。

Roxanne＋Kyle VS Mandy＋東東 VS 阿Ju＋Preston

Roxanne與Mandy一來便甚有默契地向其夾攻

令阿Ju慘被左右拉扯。

阿Ju依然未有半點「倒下」迹象。

阿Ju事後坦言，情願留力，也希望「友誼第一」：「唔好傷到大家，所以有所保留。」