鄧兆尊日前在網上節目《男人萬歲》上，大爆娛樂圈內有一位極高段位的「頂級集郵女星」，他形容該女星獵男無數、戰績彪炳並直言：「基本上由一線、二線到三四線男星，佢全部都集齊晒」。雖然他為了保護當事人而堅拒透露其真實姓名，但他仍在節目中鬆口洩露了多個關鍵線索，除了外形出眾「有身材有樣」外，更坦承兩人曾有過合作，但從未傳過緋聞，鄧兆尊亦證實對方目前已五十多歲，隨即引發全網瘋狂猜測。

鄧兆尊否認集郵女星是佘詩曼、伍詠薇

有網民翻查鄧兆尊由出道至今曾演出的劇集名單，希望找出「頂級集郵女星」的真身。有網民直指「江欣燕同佢本身都好熟，而且仲要有樣有身材，兼且依家未夠60」，佘詩曼、伍詠薇、陳煒、李麗珍以及關之琳等人亦無辜「躺着也中槍」，被列入猜測名單之中。昨日（22日）鄧兆尊在YouTube節目《3寶Channel》續談事件，對於網民的猜測，鄧兆尊說：「唔會係呢度寫出嚟嗰啲，唔係喇。」鄧兆尊更再度爆料，聲稱曾親眼目睹名人富豪「送老婆畀朋友招呼」。

鄧兆尊多年來被網民封娛樂圈二世祖。

鄧兆尊多次被拍到同幾位女友一齊行街。

鄧兆尊2017年被拍到帶二奶Cherry車厘子（右二）、三奶骨妹（右三）和四奶（年約40歲中女，後戴橙圍巾被遮掩者）到銅鑼灣時代廣場逛名店。

鄧兆尊2020年被拍到「后宮」除Carmen、Cherry與Clarie外，更有新面孔陳小姐。

鄧兆尊爆圈中有「女集郵王」。

當中一至四線男星都有。

鄧兆尊不肯透露女星姓氏，指「一講就知邊個」。

鄧兆尊指該女星有樣有身材。

鄧兆尊指該女星現時五十多歲。

鄧兆尊為佘詩曼伍詠薇洗白。

鄧兆尊揭集郵女星真身：去問吳君如。

有網民留言問有否拍過《尋秦記》？鄧兆尊說：「《尋秦記》呢個圈子有幾亂，我真係唔識講。」

亦有問是否葉璇？鄧兆尊說：「呢個好厲害，不過就唔關佢事。」

鄧兆尊親睹名人富豪「送老婆畀朋友招呼」。

對於佘詩曼被網民估是集郵女星，鄧兆尊指：「阿佘係男仔，係兄弟，佢自己私底下同邊個拍拖我唔理，我唔清楚，我唔會過問。」

鄧兆尊的爆料令陳煒也成為「嫌疑女星」，陳煒日前受訪否認是集郵女星。

鄧兆尊指集郵女星也不是伍詠薇。

葉璇曾入過鄧兆尊房，但鄧兆尊強調二人只是聊天。

鄧兆尊指自己晨勃「一年都冇幾多次」。

鄧兆尊指自己如果晨勃就會匿埋。

鄧兆尊指自己晨勃就會避難。

鄧兆尊指自己如果晨勃就好危險。

鄧兆尊表示「結得婚耐就咁」。

鄧兆尊曾於節目《一周星星》罕爆阿二車厘子的超強「護夫術」。

鄧兆尊的阿二車厘子（黑裙）。

鄧兆尊指車厘子（黑裙）當年藉貼身服侍驅趕女星。

陳煒否認是集郵女星

被列嫌疑人之一的陳煒已經率先為事件回應，她直言對事件完全不清楚：「我本身唔認識鄧兆尊，冇任何嘅聯繫，可能只係喺某啲活動見過幾次咁樣囉，我自己都唔會太關心呢件事，冇任何Comment，興趣不大。」在節目上，鄧兆尊亦為被網民列為嫌疑的女星洗白：「我都唔識關之琳，阿佘（佘詩曼）係男仔，係兄弟，佢自己私底下同邊個拍拖我唔理，我唔清楚，我唔會過問。伍姑娘（伍詠薇）只係講嘢大癲大肺，佢係一個細路女，真人好怕醜㗎，我同伍姑娘冇合作過，只不過係 friend，但係佢講嘢好似好大癲大肺，好似咩都冇所謂嘅人，實際上你行埋佢哄吓佢，佢都畀你嚇死。你記住啦，通常做得出嘅人，唔會成日擺喺把口講，我同陳煒完全唔識。」鄧兆尊笑言：「其實好小事， 我唔會再講，一講就穿喇。你想知嘅睇返吳君如講過啲嘢，好多佢都講過出嚟，我講啲所有嘢，好多喺圈內已經唔係秘密嘅秘密嚟㗎喇。」

鄧兆尊澄清不關葉璇事

有不少網民留言問有否拍過《尋秦記》？鄧兆尊說：「《尋秦記》呢個圈子有幾亂，我真係唔識講，呢啲嘢自己諗啦，每一套劇都每一套劇亂嘅圈子，呢樣嘢我冇參與過，我唔知，OK？」亦有問是否葉璇？鄧兆尊說：「呢個好厲害，不過就唔關佢事，佢係華裔小姐，嗰年我係做表演嘉賓，去過好遠唔知大陸邊度拍外景。佢入過我房，不過係返嚟傾偈，但係好奇怪，嗰啲每一個華姐返到房之後呢，輪流走入我房度傾幾分鐘偈，跟住就走，有呢樣嘢。佢問我一個問題，就話：『我有冇機會贏冠軍？』我話：『你唔使問啦，你應該係冠軍啦。』呢個好亂，不過就唔關佢事。」

鄧兆尊大爆娛樂圈潛規則

鄧兆尊稱大家都明白遊戲規則：「短聚咪短聚，完咗嘅話咪散band囉。或者大家識三個月，三個月後完咗咪冇乜事囉。早排有個節目，伍姑娘（伍詠薇）講過試過有個人走去敲房門，敲個女演員房門，突然間有個導演後面閃咗出嚟，呢樣嘢都有存在，唔出奇。即係你要明白樣嘢，點解我需要去癡一個人，或者同一個人發生關係呢？不外乎兩個原因，一係我就睇中你嘅美貌，或者你嘅靚仔，其次就係利益啦，唔使講啦，我畀你𡁻咗、或者你𡁻咗我嘅話，有利益嘅幫助嘅時候，我咪做呢個動作囉。好簡單㗎嘛，不外乎呢兩樣嘢嘛。」

鄧兆尊曾分享父親新馬師曾的性教育。

鄧兆尊自爆從不自慰，因爸爸新馬師曾分享過一件事：「我畀我阿爸嚇過。」

鄧兆尊早前接受好友李珊珊YouTube節目《三坐山》訪問，話題尺度非常大。

鄧兆尊在節目中分享，自己從來沒有自慰行為，原因是爸爸向他曾分享師弟精盡人亡的故事。

鄧兆尊表示：「我自己冇嗰個運動（自慰）。」李珊珊表現驚訝即追問原因。

鄧兆尊曾在TVB演出不少劇集。

鄧兆尊入行初期，是一名「小鮮肉」。

鄧兆尊當年外形不俗又是「星二代」，有傳獲不少女星垂青。

鄧兆尊昔日的照片，青靚白淨。

鄧兆尊爆料曾有女星邀他到屋企維修，卻穿上喱士睡衣開門。

鄧兆尊曾應承父親新馬師曾，不會在娛樂圈搞男女關係。

鄧兆尊指自己在娛樂圈「一向都無亂過」。

鄧兆尊自爆曾與影帝去夜總會。

鄧兆尊直指娛樂圈的男女關係好混亂，除女星被包養外，亦有男包男。

鄧兆尊曾被開價1,500萬包養三個月。

鄧兆尊指有男金主想包他。

鄧兆尊笑說：「我心諗佢真係鍾意食排骨飯？」

鄧兆尊親睹富豪「送老婆畀朋友」

主持問到這些「利益輸送」會否涉及高層？鄧兆尊說：「經過權力嘅嘢去達到目的，係有嘅。而家都有。好多嘢自己諗喇，我都成日講，有啲嘢呃唔到人嘅，尤其係你係普通人，突然間富貴咗好多嘅時候，明唔明呀？即係譬如我係一個新聞報導員，返工放工好正常，突然之間你返工，轉揸 Hermès，周身名牌嘅話，點解會咁樣呢？你自己諗吓點解囉。你記住一樣嘢，好多呢個世界你諗唔到嘅嘢，你唔發生，唔代表唔會喺人哋身上發生，你記住一樣嘢。人哋付出幾多，或者佢底線降得幾低嘅話，佢得到幾多回報，係佢自己應得嘅。你唔可以話：『喂，大家都做呢行，點解佢會彈得咁快，我彈得咁慢？』一係你就有才華，我成日都講句說話：有才華或者有能力嘅人大把，但係所謂嘅懷才不遇。其實就唔係懷才不遇，其實係你唔識得點去利用另一個渠道，去畀人睇到你嘅才華，或者俾機會你去實現入你嘅才華，咁解。我成日都講紅顏薄倖，點解一個靚女成日都會話佢唔好呢，或者將來嗰個生活或者個婚姻唔好呢？大佬，你咁靚女，係人見到你，呢個蛋糕好食，都想食一啖啦，係咪？咁你食多幾啖嘅時候，就出事㗎喇嘛，明唔明呀？」

鄧兆尊言談間再投下「炸彈」：「我都成日講啦，你有冇見過啲有錢人，特登攞個太太出嚟，畀啲朋友招呼㗎？我見過，我知道。佢仲要坐喺度食雪茄，問得唔得？掂唔掂呀？你記住一樣嘢，好多呢個世界你諗唔到嘅嘢，你唔發生，唔代表唔會喺人哋身上發生。」鄧兆尊當然未有透露身份：「佢哋名人，招呼嗰個都係有頭有臉。」