梁祖堯、王菀之、谷祖琳、盧鎮業、胡麗英、唐劍康等人今日（10月23日）在工作室拜神，祈求主演舞台劇《寫不得你 Love at Last Sight》一切順利。梁祖堯、王菀之受訪，大談趣事。梁祖堯大賣關子，透露王菀之有「突破性」演出！該舞台劇以老夫老妻生活為出發點，涉及中年危機問題，再以幽默方式包裝。梁祖堯直言，入場的觀眾，尤其是中年人，應當十分有共鳴。問到王菀之，是否把夫妻生活搬上舞台？「唔會呀，我哋夫妻生活比較……火爆。」梁祖堯補充，劇中他飾演「放䠋」，而王菀之的角色則相反，個性急進。現實中，王菀之對老公又是否一樣？梁祖堯笑言：「蘇太，分享吓啦！」王菀之迴避問題：「真真假假嘅嘢……我哋呢套劇有一樣嘢好好，就係句句對白都可以應用喺現實生活入面。」

王菀之為好友張敬軒預留座位

問王菀之會不會邀請張敬軒睇騷？她回答：「叫佢嚟睇呢個騷？會唔會呀？」梁祖堯說：「叫咗啦。（有冇應承？）次次都應承㗎。（有冇出現先？）佢個花籃一定會出現嘅，但我話：『我唔係要花籃，我想你嚟啦。』係咪要公開呼籲佢嚟？」王菀之表示：「如果佢嚟嘅話，我哋就公開歡迎佢，低調歡迎。」笑言，他會戴冷帽、太陽眼鏡、口罩入場，坐在隱蔽位置撐場。梁祖堯續說：「（有冇留位畀佢？）佢要嚟，點都有啦。」王菀之也補充：「佢嚟先預畀佢啦。」

梁祖堯、王菀之、谷祖琳、盧鎮業、胡麗英、唐劍康等人在工作室拜神，祈求主演舞台劇《寫不得你 Love at Last Sight》一切順利。
梁祖堯、王菀之、谷祖琳、盧鎮業、胡麗英、唐劍康等人在工作室拜神，祈求主演舞台劇《寫不得你 Love at Last Sight》一切順利。
梁祖堯飾演「放䠋」，而王菀之的角色則相反，個性急進。
梁祖堯飾演「放䠋」，而王菀之的角色則相反，個性急進。
王菀之大讚句句對白都好生活化。
王菀之大讚句句對白都好生活化。
兩人老友鬼鬼。
兩人老友鬼鬼。
梁祖堯大賣關子，透露王菀之有「突破性」演出！
梁祖堯大賣關子，透露王菀之有「突破性」演出！
>>>訂閱CCUE YouTube 頻道，查看更多吃喝玩樂、生活資訊影片。

追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca