【黎太食譜】過新年當然要「糕糕（高高）興興」！今次同大家分享「蘿蔔糕」的食譜，相信大家都看過很多蒸蘿蔔糕的不同煮法，大家又不妨參考我這個方法。我會用切幼蘿蔔條方法煮，因為怕刨絲後蘿蔔汁份量不一，有烹調失敗的可能性，而且用切條做法，可以食出蘿蔔的甜味。至於配料，我喜歡用臘腸、蝦米和乾瑤柱。不選用冬菇，因為冬菇好易變酸；不選用臘肉，因為不想特意去買大條臘肉，而且臘肉比較硬身，難處理。

今次我同一時間用了兩種蒸法，一是傳統用鑊蒸，二是用Instant Pot壓力鍋蒸，食物效果一樣，只是時間長短不一，大家可以選擇其中一個方法。今次用了細錫紙盤，因為方便儲存在雪櫃，每次取一盒就一餐。

材料

• 白蘿蔔 1 公斤
• 粘米粉 170 克
• 無筋麵粉（澄麵） 4 湯匙
• 臘腸 2 條
• 蝦米 30 克
• 乾瑤柱 3 粒
• 乾蔥 15 克
• 雞湯 3/4 杯
• 菜油 3 湯匙
• 胡椒粉 1/2 茶匙
• 麻油 1/2 茶匙
• 芫荽少許（作糕面裝飾）

這個份量可以做到一個8吋圓糕盤，或三個錫紙盤（1磅容量：5.5”x4.5”x1.9”）。

做法

1）將白蘿蔔去皮切成幼條，臘腸放入滾水拖水2分鐘後切粒，蝦米洗凈浸軟切粒，乾瑤柱冲水後浸軟撕成絲，乾蔥剁成蓉。

2）開鑊燒熱1湯匙菜油，用中火爆香臘腸、蝦米和乾瑤柱，炒至聞到香味，盛起備用。

3）再燒熱2湯匙菜油，放入乾蔥蓉爆香，加入白蘿蔔炒勻，灑下胡椒粉和麻油，倒入雞湯，加蓋煮至蘿蔔條軟身。

4）把鑊移離熱爐，將配料倒入白蘿蔔炒勻。將粘米粉和澄麵混合後，分2次加入鑊，徹底攪拌。

5）把白蘿蔔粉漿放入一個個已抹油的糕盤內，鋪平及按實餡料，用錫紙包蓋好，用以下兩個方法蒸熟。

方法一：用鑊以中火隔水蒸60分鐘。

方法二：放入Instant Pot，選用蒸（Steam）和高壓功能（High Pressure），需時45分鐘，完成後讓它自然放氣後才打開。可以用筷子插入中央，如沒有粉漿黏着即表示熟透，放涼後可放上芫荽或青蔥作裝飾。

如果用大盤盛裝去蒸，要考慮太厚的糕，需加長時間才會完全蒸熟。

購買靚白蘿蔔，要選擇光滑白淨和重身。如果想食煎蘿蔔糕，要放涼或雪藏一晚才切片煎，因為放涼後變硬身才容易煎。

食譜提供：多倫多黎太廚房

製作：CCUE.ca

【黎太食譜全集】

【黎太食譜】農曆新年好意頭 年年有餘「鯉魚年糕」

【黎太食譜】裝滿幸福和好運 日本賀年「福袋」迎新春

【黎太食譜】長假期親子活動 小朋友最愛色彩繽紛朱古力棒棒

【黎太食譜】聖誕火雞再利用 還原經典香港街頭小食「碗仔翅」

【自煮聖誕大餐】重溫：

頭盤：三樣食材速成聖誕頭盤：吞拿魚他他

配菜：飽肚又營養聖誕配菜：馬鈴薯批

主菜：零失敗聖誕主菜：烤焗嫩火雞

甜品：黃金比例做出最好食的甜品：奶凍

特別菜式：壓軸登場特別配菜：西蘭花聖誕樹